اهم ما قيل في لقاء كشف نصب الجمعيات الخيرية
.
مش كل الجمعيات نصابة .. كلامنا عن بعض الجمعيات اللي بتعلن علي التليفزيون واللى ثروات منشئيها بقت بالملايين.
د.مدحت تقدم بادلة لمباحث الاموال العامة .. وشوفنا من ايام القبض علي واحدة مترئيسة لاحدي الجمعيات دي ومعاها 28 مليون جنيه بدون سند.
كتير من الدعاة الافاضل دخلوا الموضوع بحسن نية لكنهم سرعان ما خرجوا لاكتشافهم الطوام منهم ش.مسعد انور .. د.عبد الله رشدي .. ش. سيد البشبيشي وغيرهم .
بعض القائمين علي الجمعيات دي بيرهبوا اي حد يقف ضدهم بعلاقاتهم الوهمية بمسئولين في الدولة .. ولما الكلام وصل لاحد المسئولين بالبلدي كدا ( حط عليهم ) ..
النصب بيحصل بطريقتين .. تحصيل اموال بغير سند و غسيل اموال التبرعات.
رواتب المشايخ اللى بيظهروا في الاعلانات احيانا بتزيد عن مليون جنيه سنويا؛ ومفيش حد بيستمر معاهم غير الصغار.
التبرعات اللي بيتم جمعها احيانا بتوصل لمليار جنيه سنويا .. 10% منها بس بيتصرف في اوجه الخير .
بعض القنوات الاسلامية متورطة ببث اعلاناتهم لحد دلوقتى بالرغم من افتضاح امرهم عند المشايخ الثقات القائمين عليها ؛ والسبب ان بينهم عقود مكتوبة لسنوات وغير قادرين علي فسخها.
الجمعيات العاملة في افريقيا غالبها اما القائمين عليها نصابين او امناء لكنهم ضعفاء بينضحك عليهم من قبل الافارقة اللي حفظوا اللعبة .. ولما يجيلهم مسلمين ينطقوا الشهادتين وياخدوا فلوس ولما يجيلهم قساوسة يرسموا الصليب وياخدوا فلوس وهم لا مسلمين ولا مسيحيين ولا غيره.
الأولي انك تتوجه بالصدقات للفقراء والمحتاجين في محيطك .. وتقوم علي اعمال البر اللي انفقت فيها بنفسك ..
.
.
شكرا مرة تانية وبكرر كلامي ..
زمان كنا دايما نسمع ( يااااه لو الغني يدي الفقير .. مكناش شوفنا محتاج )
دلوقتي الغني موجود وبيتصدق بارقام فلكية لكن فيه لصوص بيحطوا اموال الصدقات في جيوبهم وبيرموا الفتات للفقراء .. اللي بنعمله دا من باب ( معذرة إلي ربكم ) علشان نحافظ علي الاموال اللي كانت مفروض تروح جيوب الغلابة ..
التعليقات مغلقة.