مساء الخير علي اعظم فيبارية في الكون ،
مقاله انهاردة هو بوست طويل وممل بس اذا كنت تبحث عن بعض الأجابات كمبتدأ او Semi-Pro او حتي راجل قديم و Pro بزيادة فشكرا ده اللي اتعلمته من حضرتك
المقاله ممكن نقدر نديلها عنوان كده سريع عشان لو مفهوش حاجة تهمك يبقا كتر خيرك اعمل بس Up عشان اللي بعدك يستفيد ان شاء الله ، ( البوست هيكون هو المرشد او ال Guide لكل ما يخص التبخير الالكتروني ، عبارة عن نقاط مجمعة من خبرتي الصغيرة اللي هنقالها لحضرتك وحضرتك هتنقلها للي بعدك ولا تنسوني من صالح دعائكم،
جهاز الفيبنج ده عبارة عن ايه ؟!
الجهاز تقدر حضرتك تفككه كده قطع عشان نفهم الدنيا ، اولا في الاغلي هتلاقي خزان السائل والخزان ده هو اللي بداخله المسخن او ما نطلق عليه كويل ، بيسحب القطن اللي بداخل الكويل ده الليكويد او الساىل يمرره علي الكويل عشان يتسخن ويصدر الفيبر او كم الدخان اللي حضرتك بتشوفو ،
اسفل التانك او الخزان ده علبة تحتوي علي بطارية خارجية او داخلية ، وممكن تلاقي اجهزة ببطاريتين و ٣ و ٤ كمان 🙂
الببوكس ده او العلبة نطلق عليها ال MOD وبداخله الشريحة او التشيب اللي مسؤوولة ببا عن نقل اوامر سعادتك من زرار الفاير لحد مايوصل التيار الي الكويل فوق
، انت كمبتدأ محتاج طبعااااا مود يحتوي علي شاشة عشان حضرتك تعرف القرائات والقوانين اللي حضرتك هتلتزم بيها طول فترة الكويل ما شغال معاك ؟ نبدأ بقا ،
1 : انا عايز ادخل الفيبنج بقا عشان تعبت من السجاير او الشيشة ومش عارف اشتري ايه ما خدت فكرة كده في الجروبات والمحلات ولقيت انواع بعدد شعر راسي ! بص يا فندم اذا حضرتك مقبل ومش عارف تشتري ايه اذن حضرتك محتاج بس تعرف امر واحد ومنه هيكون قرارك ( هو حضرتك جاي من شيشة ولا جاي من سجاير ) اهو ده بقا اهم من كل اللي جاي ، حضرتك لو جلي من شيشة اذن حضرتك من اصحاب النفس الواسع وليك هيكون الي بنسميه Direct Lung، النفس اللي بيخش صدر حضرتك مباشرة زي الشيشة بالظبط يحمل النفس ده الطعم اللي حضرتك اختارته او كنت بتشربه وما يكافئه من السائل الالكتروني اللي حضرتك اشتريتو ومع يحمل النيكوتين اللي حضرتك بتاخدو مع الفحم والكربون والجلسرين الصناعي بس في الفيبنج بيبقا الموضوع انضف واأمن شوية ، اذن كده حضرتك لو راجل صاحب مزاج شيشة يبقا ال DL هو اختيارك ،
2 : انا راجل بحرق علبتين سجاير احمر يوميا فعايز بقا حاجة تكيف النفوخ من النيكوتين وكمان ضربة الصدر بتاعة السيجارة ، بص يا فندم ، اولا خلينا نكون متفقين علي حاجة ، خلينا نخش جوة تفاصيل نفس السيحارة ونشوف بيشتغل ازاي عشان حشرتك لما تختار حاجة تشتريها اذن تلبي احتياجك الاول والاخر اللي هو ( حضرتك في السيجارة بتسحب من الفلة الدخان المحترق وتجمعة في فم سعادتك وبعد كده تسحبه علي صدرك ويطلع الدخان بعد ما ساب النيكوتين جوة وطعم التبغ علي لسانك ) هي دي ميكانزم هواء السيجارة صح ؟! تمام! يبقا هتا حضرتك هتحتاج اييه بقا ، هتحتاج ال MOD اللي قولنا عليه وكمان بطارية خارجية لو المود بطارية خارجية و تانك ، اه تانك ، تانك ايه بقا بنسميه ال Mouth To Lung يعني نفس يعبر عن طريق الفم ويجمع فيه اولا ثم يتم سحبه علي الصدر زي السيجارة بالظبط كده حضرتك حلينا مشكلة الشباب اللي تشرب فيبنج غلط وترجع للسجاير مرة ثانية لان اختيارهم من الاول خاطئ وهكذا برضوا للناس اللي جاية من شيشة
3 الليكويد بقا و هم الليكويد ، بصو الاول خليني اقول كلمة ( يختاااااااااااي معظم بقا المشاكل عموما بتببا بسبب اللليكويد يا كبير ، ازاي ! اقولك ، الليكويد يا حضرات مثل الاكل والشرب تماما ( حضرتك انا المكرونة صوص ابيض مش احمر ، وحضرتك بتحبها احمر ، وفي للمطعم اللي بيعمل ده و ده ، مجيش انا بقا مثلا اول مرة في حياتي اجرب الابيض واقول اصله معلش الطباخ ده وحش جدا واكله وحش ، ما هو اصلن حضرتك مش بتاكل غير صوص احمر! الناس اللي جاية من شيشة الدنيا معاها اسهل كتير ( جاي من شيشة فواكه يبقا حضرتك هتدور علي نوع الفاكهة اللي بتشربها ، جاي من فراولة قشطة يببا هتدول علي مثلا الفرلولة بالقشطة ، جاي من مستكه يبقا هتدور علي مستكه ) يبقا نصيحة ابتدي الاول في اللي انت متعود عليه وبعد كده يا سيدي اتشقلب براحت راحتك ما الفليفلرز واللاينات اكتر من اللي بيشربوا اصلا
4 : تعالالي بقا يا بتاع السيجارة انت ، بص ، غريبة جدا اني الاقي مثلا واحد طالع من علبة كابتن بلاك Dark في اليوم ويروح يجيب جهاز نفس واسع شيشة ويشرب عنب ما طبيعي جدااا حضرتك مش هتستغني عن الكابتن بلاك ، الكابتن بلاك ال Dark هي عبارة عن سيجارة من تبغ نضيف جدا ذو طعم مدخن ووراه لمحة من العسل الاسود ثم الفانيلا وانت بتطلع الدخان من صدر تنفخو ، صح ؟! يبقا حضرتك هنا محتاج اييييييه! محتاج ليكويد يكون يحتوي علي الاتي ( طعم التبغ الممزوج بالفانيلا و مسكر شوية عشان يكافئ الطعم ) ونيجي بقا لاهم حتة ، النيكوتين ، النيكوتين ثم النيكوتين ، ( اشرب نيكوتين كام ) انا نصيحتي عموما زي ما اتعلمت من ٢٠١٣ ، ابتدي ب ١٢ نيكوتين لو شديد عليك هات ال ٩ بعد.كده ولو ال ٩ مش عامل حاجة معاك يبقا هات ال ١٢ ولو ال ١٢ حاسس انه مهوي معاك هات ١٨ ولو بقا ال ١٨ برضوا حاسس انه هواء ، يبقا عندك حل من الاتنين وانا ارجح الاول ، الاول ان حضرتك بقا اتعود تطبخ بأيدك انت في مصر عندك اساتذة في طبخ الليكويد والله واسأل اي حد فيهم عمرو ما هيخفي عليك معلومة الحل التاني بقا وانا مبرجحوش هو ان حضرتك بقا قدام تشرب نوع من النيكوتين اسمه ( ال سالت / سولت ) وده علي مسؤوليتك ،
5 : التنكات بقا ، التانكات تنقسم لعده اقسام مش هيهمك فيهم كمبتدأ الا نوعين ( تانك الكويل الجاهز ، وتاتك الريبيلد او الذي يعاد بنائه ) بالنسبة للكويل اللي جاهز هو مش معمول للناس اللي مش بتعرف تبلد بس ، لا هو معمول للناس اللي معنهاش وقت ، فاعتقد حضراك اكيد عندك ٣ دقائق فاضيين لمزاج سعادتك بس ، وكمان حرفيا مفيش ابدا ابدا وجه مقارنة بين الكويل الجاهز والريبيلد ، حرفيا انت رايح منك فليفر كتير في الجاهز وفايتك متعة فظيعة في الريبيلد ، !!!
، بشوف ناس عا اليوتيوب يا عم ماسكين مفكات وسلك وقطن وعدة وليلة زرقاء ،! ايه ده يا حج ما السيجارة اسهل ! بص خليني اقولك فعلا لو خايف علي صحتك وصحة اللي حواليك في البيت انك تاخد ٣ دقائق تعمل فيهم بناء لتانك الجميل ، في فيديو حطه في الكومنت اسمه ( دليلك لبناء كويلات ) بص لو عمل الكويل مرة ، ك تلفه علي القطر المطلوب و تحط رجل كويل في اليمين ورجل في الناحية التانية وتربط وتقص الزيادات والروايس وتحط قطنتك ، شكرا مبروك عملت البيلد بايدك ومرة علي مرة هتظبطها اكتر من اللي قبلها ما انت خدت خبرة بقا
6 : التانك بيليك منك او بيسرب ده عيب ايه ، غالبا 99% حضرتك مش حاطط قطن كافي ، او القطن اصلا كان مشبع بليكويد لسه وحضرتك فاتح الاير فلو وبتملي ونسيت ان لسه القطن منشفش ، فطبيعي جدا تفريغ ضغط الهواء في التانك يتسبب بهروب الليكويد من فتحات الهواء ، اقفل عموما الاير فلو وانت بتملي اي تانك
7 : بشحن البطارية في المود من شاحن الموبايل السريع والبطارية بتخرف ! طب الحمد لله انك ادركت انها بتخرف ،بص يا فندم ، اي مود في الدنيا معاه برشور صح ؟ معلش اتعب نفسك وبص فيه هتلاقي ان ٩٩% من المودات اخرها تتشحن علي ١ امبير ، شواحن الموبايلات الجديدة مصيبة شوفت منها بيوصل 75 وات! حرفيا بتبوظ مودك ، انت مكلف وجايب كيت تانك ومود والكلام ده عشان صحتك ، فمجتش من ١٥٠ جنية يعني تجيب بيهم شاحن بطاريات خارجي
8 : المقاومات والوات وحساباتها ، بص يا فندم ، المقاومات تبدأ من 0.1 اوم ، ثم 0.2 ثم 0.3 والي ال 1.0 وال 1.5 اوم ، طب حسباتهم ايه يعني اشرب علي ايه ،
بص يا فندم خليني احط لحضرتك كده بعض الثوابت مثلا اللي تساعدك متعديش الحد المسموح وتحرق الطقن او تصاب بعد الشر ب دراي هيت في زورك ،
0.1 and 0.2 and 0.3 Ohms
دول ابتدي معاهم سخن مثلا من ٣٥-٤٠ وات وطبعا دول نفس شيشة واسع وش ، ودول امان معاك لحد ٧٠ وات ، بس متطلعش كده الا لما تكون متمكن وراجل غني جدا ومعاك تجيب كل يوم ازازة ليكيود
0.4 and 0.5 ohms
دول تبتدي مثلا تسخن معاهم من ٢٥ ل ٣٥ وات ده سقفك نصيحة بلاش تعلي ، عشان هنا الكويل جوة بيسخن لدرجه انه ينور ، ومعني انه نور يعني بيحرق اللي يقابله ( القطن )
0.6 -0.65
من هنا انا بعتبرها يعني هي Semi DL او تقدر مثلا تشوفها كتير مع الناس اللي معاها تانكات فيها كويل واحد مش اتنين
من 0.7 بقا وانت طالع هنا بقا وانت طالع ل 0.8 , 0.9 , 1 ohm
هنا بقا دي مقاومات MTL يعني من 10 وات لنفس السيجارة ل ١٥ مثلا هنا طبخ اللكويد علي نار هادية بقا عشان يستوي مع الفليفر والنيكوتين وتدوق العظمة
طب هل المقاومات دي بقا كلها امشى عليها زي ما اتقالت بالمللي ( الإجابة هنا لا ) الثوابت اه ، لكن كمثال لبتوع نفس الشيشة لو حضراك بتشرب فواكه علي وات عالي جدااا تلت تربع الفليفر ضايع ، ولو حضرتك بتشرب مخبوزات علي وات اقل من العادي هنا برضوا ضايع منك طبقات الزيدة والكريمة ، عشان كده بقولك انت الموضوع نسبي ، بس اهم شئ نحترم قانون اوم
9 : اصل عايز التانك يطرقع ! اوبا اصل لما حطيت المانجة اللي معايا علي ال كوسة علي البطيخ عملو بقا طعم يجنن ! ياخي #!%&#^)@^#^ !!
بص متخلطش ، متبوظش الطعم من فضلك ! والطرقعة مش مقياس للروشنة ، حضرتك كل مرة الكويل يطرقع فيها هي بيحؤق جزيئات السكر اللي بتسكن في الفراغات في الكويل إن وجد ، فكتر الطرقعة بيهلك الكويل حرفيا ،
10 : انا را جل مثلا بتاع DL احسن واير ايه ؟! ردي علي السؤال ده يتوقف علي ان حضرتك بتشرب ايه ؟! بصو دي تجربتي لو حضرتك مرتاح في شى تاني فاكيد دي اذواق بس خليني اقول للي تايه
El Clapton Coil
هو واير بفضله للفليفر اللي مفهاش زحمة كتير زي المانجو الايس ، او بطيخ او كانتالوب وألخ ،
El Alian Clapton و El GRs و Stapted و Tiger والكلام ده
بفضلهم ببا لما يكون حضرتك بتشرب حاجة مثلا كوكتيل فواكه ، او مخبوزات او كريمات ، شايف الاسامي اصلا لوحدها تقدر تتنبأ ان اللكيويد يحتوي علي اكثر من ٥ انواع فليفر وحضرتك عايز تدوقهم كلهم مع بعض
نيجي بقا لحبايبي بتوع ال MTL
وقصة الراوند والكومبليكس والكلام ده ، انا بستخدم الاتنين ، وحالاتهم اهي :
MTL Fused Clapton Wire Ni80
ده بفضله جدا مع ال VCT و التوباكو الممزوج بمكسرات او كريمات ،
MTL Alian Clapton Wire Ni80
ده حبيبي اوي في اي ليكويد يحتوي علي مسكرات ،كالبندق او اللوز او الفستق ، والكلام ده ، حرفيا باينين اوووي معاه ،
Nicrhomssssss
وما ادراك النيكروم مع التوباكو الحرش الغامق او البايب او المدواخ حتي
الغلبان الكانتال 26 ، ده ببا حبيبي في التوباكو كراميل ، او توباكو فانيلا ، حؤفيا بيأدي حلو اوي ،
انا اسف جدا عا الإطالة بالشكل ده ، بس اتمنى اكون غطيت اغلب النقاط اللي بتحير الفيبور جديد وقديم عن خبرتي الصغيرة الشخصية
#فيب
#ڤيب
#التدخين الالكتروني
#التبطيل
#لبان نيكوتين
#لزقه نيكوتين
#السيجاره الالكترونيه
#السيجارة الإلكترونية
#الشيشه
#ترك التدخين
#الامتناع
#المده
#سجاير
#القلب
#اضرار
#الرئة
#الصدر
#الرئه
#فوائد
#تبطيل
#التدخين
#قطران
#نيكوتين
التعليقات مغلقة.