التوعيه
الاربعاء ١٨ / ١ / ٢٠٢٣ اول يوم لتطبيق نظام العيش الحر بالكارت المدفوع مقدما
يعنى ايه عيش بكارت شحن مدفوع مقدما
يعنى كارت هاتروح تستلمه
من مكتب البريد الخاص بمنطقت سكنك المستخرج منها بطاقه الرقم القومي
وتشحنه بمبلغ يكفى احتياجاتك من العيش كل يوم
ركز بقى عشان تفهم
ده كارت منزلاه الحكومه للناس اللى معندهاش بطاقة تموين
تانى .. الناس اللى معندهاش بطاقة تموين وبيشترو عيش سياحى من الأفران الحره
يعنى الناس اللى معاها بطاقة تموين عيشها زى ماهو مفيش اى تغير فيه
تمنه ( ٥ قروش ) وبنفس العدد بتاعك فى اليوم
اما بقى أصحاب الكروت الجديده هايروحوا بالكارت المشحون
مقدما ده
وياخدوا من فرن الحكومه نفس الرغيف ابو ٥ قروش اللى وزنه ( ٩٠ جرام ) بسعر ( ٨٠ قرش ) وبأى عدد انت عايزه
وده عشان الرغيف الحر خارج المنظومه فى الأفران السياحيه وصل ل ١.٢٥ و ١.٥٠ ووزنه من ( ٦٠ / ٦٥ ) جرام فقط
والكارت ده بقى هايضرب استغلال أصحاب الافران السياحيه
يعنى يومين ولا تلاته هاتلاقى الفرن السياحى هايبيع بأسعار الحكومه والا مش هايلاقى حد ياخد منه عيش
انت بقى حضرتك مش عايز توجع دماغك بالشغلانه دى كلها
ولا تجيب كروت ولا تشحن ولا توجع دماغك وخليك زى ماانت مع الفرن السياحى اللى بيبيع الرغيف بجنيه ونص وباثنين جنيه
التعليقات مغلقة.