اللهم بعقلية أهل غزوه بدر و نفسية أهل بدر و يقين أهل بدر

زي النهاردة سنة 624 م كانت غزوة بدر ..
.
لما بحط نفسي مكان واحد من الصحابة اللي شاركوا فيها بخاف ..
لسة الهجرة مفاتش عليها سنتين .. لسة اعدادنا مبقتش كبيرة .. لسة بنحاول نتخلص من الفقر ونصنا خرج من مكة بهدومه .. و فوق دا كله لسة قايمين بعمل استفزازي لقريش باعتراض قافلة ابي سفيان بن حرب لاسترداد بعض من اموال المهاجرين اللي نهبتها قريش مقابل السماح لهم بالهجرة ..
.
معركة احنا داخلينها كل واحد مننا ادامه 3 واكتر من العدو .. تخيل كدا اخوك بيقولك تعالى انا وانت نروح نتخانق مع 6 بلطـ.ـجية واقفين تحت البيت عايزين يموتونا .. تخيل النفسية اللي تقبل حاجة زي دي ..
.
لا و فوق دا كله تسليحهم كان اضعاف تسليحنا .. احنا كان معانا 70 جمل وفرس بس .. ودول كانوا اشبه بالقوات الجوية دلوقتي .. وهم معاهم 200 واكتر !!
.
والنتيجة ؟!
14 شهيد من عندنا
140 من عندهم .. 70 قتـ.ـيل و 70 أسير .. يعني 10 اضعاف الخساير !
وطارت فيها رقبة عمرو بن هشام ( ابو جـ.ـهل ) وامية بن خلف وعتبة بن الربيعة ..
و تظهر بقي عقلية القائد بامتياز للمرة الألف لما النبي – صلى الله عليه واله – يصدر قرار اداري بخصوص الاسرى .. بعض الاسرى مفيش فيهم امل و هيولعوا الحرب مرة تانية .. لازم نتخلص منهم .. بعضهم من اغنياء قريش .. فيفتدوا نفسهم بالمال .. وبعضهم فقراء وفيهم بدرة خير ..اللي عايز منهم يشتري حريته يعلم 10 من اطفال المسلمين القراءة والكتابة.. و وزع الاسرى علي الصحابة وبدأت ثورة تعليمية في المدينة اشبه بالكتاتيب استمرت لفترة شافوا فيها حسن معاملة المسلمين لدرجة ان الصحابة كانوا بيقدموهم عليهم في الطعام.
.
وييجي شنطوف بعد السنين دي كلها يقولك الاسلام يبحارب العلم !!
.
.
كل دا يفهمك ليه جيل بدر كان جيل استثنائي .. لدرجة ان اهل بدر انفردوا دون غيرهم بصك غفران ابدي زي ما قال النبي (( إن الله اطلع علي اهل بدر فقال : اعملوا ما شئتم فقد غفرت لكم ))..
.
اللهم بعقلية أهل غزوه بدر و نفسية أهل بدر و يقين أهل بدر