من ايام
أحد محلات الدهب في المعادي أبلغ عن شخص
بيبييع دهب مضروب وعيارات واطية
وشغل فضه مطلي دهب وعليه دمغة عيار ١٨
موقف حصل معايا ومع تجار كتير قبلي
والتاجر بطبعه مش بيحب وجع الدماغ وبياخد فلوسة
ويرجع شغله
بكل سلبية
او ضابط المباحث بيحب يريح دماغه
ويقول للتاجر اعمله محضر واحبسه
وتاني يوم النيابه تخلي سبيله
ويرجع يوزع في منطقة تانيه او محافظة تانيه
لكن المرة دي في دائرة المعادي
الموضوع اختلف ١٨٠ درجة
كان في تاجر محترم ورئيس مباحث محترم وشاطر
عارف يعني ايه بحث ويستاهل لقب (ضابط مباحث)
ناقش النصاب ومسك اول الخيط ومشي وراه واعترفله بمكان الورشة في الجمالية
وراح قبض على صاحبها
واعترفوا بمكان مصنع في شقه في السلام بيتم التصنيع فيها
وضاربين جنيهات وسبايك وسلاسل
مع امهر واكفئ الصنايعية
راغبي الثراء السريع
…………………………………………..
التعليقات مغلقة.