سؤال جالي كتيييييير :
هل سكر الدايت دا مفيد ولا ضار ؟؟؟؟
فكرنى الكلام بالمثل اللي بيقول
(كالمُسْتَغِيثِ مِنَ الرَّمْضَاءِ بِالنَّار)
نسمع سوا القصة دى وطولو بالكم معايا
أعلنت جمعية القلب الأمريكية (AHA) وجمعية السكري الأمريكية (ADA) التحذير من استخدام السكر الدايت
لمكافحة السمنة أو مشاكل التمثيل الغذائي أو مرض السكري
لحد هنا حلوووو،
وقالو كمان ان الاستخدام (الذكي )للمحليات الصناعية أو السكر الدايت ممكن يساعدك على تقليل السكريات المضافة
في نظامك الغذائي، وبالتالي تقليل السعرات الحرارية اللي بتحصل عليها، فيساعدك توصل لوزن صحي وتحافظ عليه، بالتالي يقلل من خطر الإصابة بأمراض القلب والسكري
ايه دا بقااااا،،
يعني ممنوع وخطر بس خد منو متخافش،،،ايه دا بقااا
عشان كدا دكاترة التخسيس احيانا بيوافقو على السكر الدايت اول شهرين تلاته وبكميات قليلة وبعدها بيوقفوه ،،،،، حد يعرف ليه ،،،،،
انا اقولكوووو الحقيقة المرة
١- عشان الابحاث اللي اتعملت على انواع السكر الدايت المختلفة لقو ان التركيب الكيميائي بتاع السكر الدايت عبارة عن كربوهيدرات لا تمتص في الامعاء وبكدا اخدنا طعم السكر دون زيادة سعرات حراية ،،كاننا بنضحك على الدماغ، اللسان يحس بطعم السكر بس مفيش سعرات حرارية يعني مش بيدى طاقة للجسم زى السكر او العسل،،والمريض يفرح بقة ويزقطط ان مفيش سعرات
لكن المصيبة في الكلام اللي جاي
٢- السكر الدايت دا بيفضل في الامعاء ولا يمتص ووبيسبب نقصان في عدد البكتريا النافعه بنسبة ٥٠% ودا معناه مشاكل القولون كلها من اول الانتفاخات وعسر الهضم والامساك او الاسهال والقلق والاكتئاب والتهاب المفاصل وارتفاع الكوليسترول وطبعا امراض قلب وسمنة ومشاكل جهاز المناعه ودي اخطرها لان لو المناعه وقعت كللو وقع وممكن لاقدر الله توصل لسرطان القولون والمستقيم.
طب بيقولو ليه انها امنة ؟؟؟؟عش
ان التجارب اللي اتعملت على فيران التجارب قالت ان جالها سرطان مثانة ،على شرط دول فيران مختبر يعني كميات محسوبة داخلالهم من السكر وطبعا ليس لها علاقة بكميات السكر بتاع الكانز الدايت والشاي اللي بسكر دايت والكيك اللي بنص كوباية سكر دايت
اللي بيستعملوه ،وكمان مفيش حالات اتسجلت في البشر ان جالهم سرطان مثانة ،،،البشر بيجيلهم سرطانات تانية لكن مثانة لاء لا سمح الله انتو هتتبللو على السكر ولا ايه ، عرفتو بقة ليه أمن للاستعمال و ادارة الغذاء والدواء (FAD) وافقت عليه
٣- نيجي لنقطه تانية مهمة ،،ان طالما لساني حس بطعم سكر ، الدماغ بيبعت اشارة للبنكرياس يطلع انسولين في الدم(cephalic insulin) وكدا بيحصل تخزين لاي اكل في صورة دهون حتى لو حطينا السكر على لساننا بس من غير ماينزل المعدة .
٤- واخر حاجة في الابحاث بتاعت الفيران (طبعا مفيش بشر بيتطوعو ف التجارب دى )
اكتشفو ان بيحصل ادمان للسكر الدايت لان حلاوتة اعلى بكتير جدا جدا من السكر الابيض حوالي ٢٠٠ ضعف السكر الابيض العادي
، واللسان مش بيعرف يستطعم اي اكل صحي بعد كدا لان مش مسكر زى سكر الدايت اللي اتعود عليه وادمنه الدماغ ،،،لدرجه تخوف ان لما عرضو على الفيران كوكايين (مخدراااااااات يا جماعة )وعرضو عليهم سكر دايت ،،،الفيران اختارت السكر الدايت
٥-وماتنسوش ان دى تجارة عالمية كبيرة زي تجارة الدواء بالظبط ،ومينفعش يعني نهزها كدا ولا كداهو
وفي النهاية الملخص عشان طولت وزهقتكم
العسل الابيض لو اصلي و من مصدر موثوق احسن اختيار معلقة كبيرة بالكتير في اليوم كللووو، لانها بتحللي زى معلقتين سكر ابيض ، ونقلل السكر الابيض في حياتنا تدريجيا لحد ما نبطلو وربنا يعينكم وهتقدرو واللي نفسو في حاجه حلوة عندو فاكهه ربنا الجميلة …
التعليقات مغلقة.