فوايد الزبادي اليوناني عن الزبادي العادي:
١- البروتين اكتر بكتير
٢- بيشبع اكتر بكتير
بس في ملحوظات مهمة عن الزبادي اليوناني:
١- المفروض يكون فيه ٦ جم بروتين او اكتر في ال١٠٠ جم والا مايبقاش يوناني، يبقي مغشوش، حتي لو مكتوب عليه يوناني
٢- مش مفروض يكون محلي ولا بطعم، حتي لو فراولة وتوت، دي مش فاكهة، دي مربي، لو حابب تحليه، هاته سادة وقطع عليه فراولة فريش.
٣- ملحوظة مهمة جدا: الزبادي سواء يوناني او غيره بالنسبة لناس كتير comfort food من الاكلات اللي ممكن ياكلوها وهما مش جعانين، خصوصا لو اتحلي بستيفيا واتقطع عليه فاكهة كمان.
فبلاش منه كل يوم لو هدفك تخس، لان ممكن جدا تكون مش جعان، ومش قادر تاكل بيض ولا لحمة ولا غيره، بس تاكل زبادي يوناني عادي، فساعتها هايضرك، لانه هايبقي وجبة تعرف تاكلها حتي وانت شبعان، ومن اهم قواعد الصيام اننا بناكل بس لما نجوع.
التعليقات مغلقة.