الصورة اللي قصاد حضراتكم دي هي واحدة من أكثر الصور انتشاراً وشهرة حول العالم، وإلى الآن بيتم تداولها في جميع الدول وبيطلع عليها كل يوم قصص وحكايات عن إنها اكتشاف خطير لقوم من العمالقة.

وطبعاً وصلتنا في الدول العربية، وربطناها بقصة عاد وثمود المذكورين في القرآن الكريم، وهتلاقيها دايماً مصحوبة بآيات من القرآن عن قوم عاد اللي طولهم أكتر من ٤٠ متر وأعمارهم بتوصل لـ ١٠٠٠ سنة.. ودايماً بيحصل انقسام بين مصر والسعودية والإمارات في احداثيات المكان اللي عثروا فيه على البقايا دي.

المصريين بيقولوا إنه تم اكتشافها في الصحراء الغربية، والسعوديين بيدّعوا إنهم اكتشفوا المقبرة بالصدفة أثناء التنقيب عن البترول، والإماراتيين بيرجعوا اكتشافها لعمليات البحث عن الأثار، لكن الحقيقة

إنها مجرد أعمال فنية كانت بتشارك في مسابقة لتعديل الصور على موقع (designcrowd)، والقائمين على المسابقة كانوا طالبين مجموعة من الصور تبدو وكأنها اكتشاف أثري حقيقي.. أما النسخة الأصلية فهي تم التقاطها في ٢٠٠٤ بعد اكتشاف مقبرة تحتوي على ١٢ جثة من العصر البرونزي في مدينة (Ramsgate) بانجلترا، وهتلاقيها في أول تعليق.

ملحوظة: قناة ناشيونال چيوجرافيك بتشد شعرها بسبب الانتشار الرهيب للصورة دي، وبتقول أغيثونا أغيثوونااااا

انتظروا بكرة سلسلة قصر الحواديت