كمال الاجسام ..
.
انتشر بين الشباب ( المكملات – المنشطات – الهرمونات .. إلخ ) .. مع انظمة تغذية غبية مفيهاش غير بروتينات علشان الباشا يعمل فورمة في وقت قصير ويحس انه بيج رامي فى نفسه ..
.
حبيبي جسمك اللى عايز تخلي شكله واو من برا دا فيه اعضاء داخلية والله هى اللى مشغلاه .. انت كدا بتطلع تلاتين ابوها .. البلاوى اللى بتاخدها دى بتروح تغتصب الكلى و الكبد .. وقدرتك الجنسية بتنضرب بالنار .. تبقى عريس جديد وتقضى الهاني مون زى العجل جنب المدام !!
.
ارحم نفسك .. تقدر تعمل فورمة محترمة وتنزل نسبة الدهون عن 10% بانظمة تغذية معتدلة وتمارين من غير القرف دا كله .. انت جسمك مجرد امانة عندك .. مش ملكك يا حبيبي !! اتق الله ..
.
.
الشباب اللى مستغربين انى حطيت المكملات مع المنشطات والهرمونات .. مشكلة المكملات الاساسية انها احيانا كتير بتتاخد بكميات غبية ضمن برامج تغذية بيصممها غير متخصصين .. وشغلان التمرين دى من اكتر المجالات اللى فيها هبيدة .. وشفت بعيني ناس جالهم اضطرابات عصبية وضعف اعصاب و مشاكل فى النوم بسببها ..
التعليقات مغلقة.