من 18 سنة جت هند للدنيا، وزي أطفال كتير اتولدوا بمعاناتهم المؤلمة وعيوبهم الخلقية اللى ربنا شاء بإرادته أن تكون اختبار ليهم..
هند الفتاة الإماراتية اتولدت باعوجاج شديد فى العمود الفقري، يمنعها من ممارسة حياتها بشكل طبيعي، ولمدة 18 سنة دارت هند وأسرتها على دول العالم كلها، تبحث عن العلاج، وكاد اليأس إنه يفتك بيها، لغاية ما جت اللحظة اللى إرادة ربنا إن الحل يكون على إيد طبيب مصري، هو الدكتور هاني عبد الجواد استشاري جراحة العمود الفقري..
الدكتور هاني كان مدرك من اللحظة الأولى مدى التحدي، ومدى المشكلة، لكنه توكل على الله واستعان بيه علشان يواجه المشكلة، اللى كانت كبيرة جدا لدرجة إنه بيقول إنه لما قام بتخدير هند وبدء العملية نظر إلى مكان الجراحة وشعر للحظة بالرعب وقال: “إيه اللى أنا بعمله ده”.
ولكن إرادة الله سبحانه وتعالى تتحقق على إيد الدكتور هاني، والنتيجة تكون مبهرة، وتقدر هند تقف على قدميها بعد 24 ساعة فقط من الجراحة بعد أن ظلت سنوات حبيسة الكرسي المتحرك..
سبحان الله الخالق.. ما خلق من داء إلا وكان له دواء.. والحمد لله على نعمة أطبائنا المصريين، هؤلاء اللي طول الوقت بيثبتوا إنهم لا يقلوا كفاءة عن أطباء أوروبا والولايات المتحدة.. وألف سلامة لبنتنا هند على الشفاء ونتمنى ليها إن شاء الله حياة مليئة بالسعادة والبهجة..
التعليقات مغلقة.