الدحيح وفريق العمل بتاعه استخدموا معاك 4 حيل نفسية ف الاوضة بتاعته ساعدت انك تحبه:
1- رغم وجود قناة راعية وانتاج الا انه تم اعتماد اوضة فقيرة بسرير صغير وكوفرتة قديمة زي اغلب الاوض المصرية عشان يبان انه واحد مننا وعشان حقيقة انه لما يوتيوبر بيجيله رعاة يحطوه ف استوديوهات جامدة بتعمل مسافة بينه وبين الجمهور بتاعه اللي اتعود علي قلة امكانياته فبيقل تأثيره ونجاحه
2- ليه اصلا اوضة؟ عشان يبان انه الدحيح واحد صاحبك بيحكيلك حكاية مش دكتور جي يشرحلك حاجات معقدة دا اولا ثانيا لانه المفروض يبان انه شخص نيرد لا يملك الا معرفته اللي بيتنطط بيها احيانا عالمشاهد نفسه لكنه مازال انطوائي مبيطلعش من اوضته محاط بالكتب المرمية ف كل حتة والحاجات القديمة والبوسترات الغريبة منها صورته مثلا علي غلاف مجلة تايمز والاوضة متاخد فكرتها من فيلم Fight Club
3- التصوير من فوق علشان يدي الهيمنة للمشاهد يبقي بيبص عالدحيح من فوق والدحيح عشان يوجه كلامه للمشاهد مضطر يرفع رأسه لفوق يحسسك انك كمشاهد ف مكان ومكانة اعلي منه والكادر واسع عشان يبين الاوضة كلها اقتداءا بطريقة التصوير ف بعض البرامج العلمية الاجنبية
4- التيشيرت ثابت من غير ماركة لانه زي مقولنا نيرد مش بيهتم بالحاجات الصغيرة دي
المصدر: كتاب الدحيح
التعليقات مغلقة.