كامس ملك مصر العظيم والمتسبب الرئيسي في طرد الهكسوس حكم مصر من 3 لـ 5 سنين بس اذاق الهكسوس الويلات و أسس لجيش قوي جدا و انتهت حياته وهو واقف بيدافع عن بلده وسط جنوده

كامس ملك مصر العظيم والمتسبب الرئيسي في طرد الهكسوس حكم مصر من 3 لـ 5 سنين بس اذاق الهكسوس الويلات و أسس لجيش قوي جدا و انتهت حياته وهو واقف بيدافع عن بلده وسط جنوده ..
بعدها جت امه كملت مشواره وبعدين اخوه احمس .. البطل الاشهر على الاطلاق .. واللى مقدرش يحقق انتصاراته ويطرد الهكسوس بالكلية الا بفضل ميراثه من اخوه كامس ..
.
كامس رفض الانصياع لمشورة مجلس الحرب اللى اشاروا عليه بالسلام مع الهكسوس بدلا من قتالهم .. ولو كان وافقهم كانت مصر اتقسمت بين الهكسوس و الكوشيين ..
.
الملك بسماتيك الاول .. اتعرض عليه من امبراطورية الاشوريين العظيمة انه يكون مستعمل على مصر و يستقر له الحكم كأمير أمرائها زى ابوه واوصاه الامراء العشرين بالقبول .. على ان تكون مصر تابعة للاشوريين.. رفض وقاتل بشرف وطرد الاشوريين من مصر و صد هجمات النوبيين و حقق استقرار و رخاء قلما شافته مصر فى تاريخها.
.
تحتمس التالت رفض كلام مجلس الحرب فى معركة مجدو ودخل ممر عارونا .. لو كان سمع كلامهم كان زماننا مش لاقيين مومياه ولا سمعنا عنه .. لكنه قاتل بشرف و أدب الفلسطينيين القدماء قبل ما ربنا يؤمر بنى اسرائيل ( لما كانوا مؤمنين ) بتأديبهم واخراجهم من ارضهم ..