الاطفال في المسجد ..
.
النبي عليه واله الصلاة والسلام ثبت عنه حمله للحسن والحسين وامامة بنت خالتهم زينب وهو بيصلي ..
.
وفي مرة حصلت القصة المشهورة في صحيح الترمدي انه اطال السجود ..
فرفع صحابي رأسه فلقي الحسن او الحسين راكب علي ضهره الشريف .. وبعد الصلاة الصحابة سألوه عن السبب قالهم ((ابني ارتحلني فكرهت ان اعجله حتي يقضي حاجته)) ..
.
.
دا اللي مفروض يحصل مع الاطفال في المساجد .. الحسن والحسين وامامة كانوا اطفال .. اطفال الصحابة اللي كانوا بيملوا المسجد كانوا اطفال ..
منهم الوقور ومنهم النشط اللي بتبدأ الصلاة يلعب .. مش اطفال من كوكب تاني مثلا !!
.
وامهات كتب الفقه هتلاقي فيها مسألة مرور الاطفال امام المصلين هل يقطع صلاتهم ولا لأ .. دا معناه ان زمان – زي دلوقتي بالظبط – كان عادي جدا تبدأ الصلاة والاطفال يتعاملوا مع المصلين كأنهم حلبة فورميلا 1 ..
.
طيب مفروض تعمل ايه مع ابنك ؟!
تجهزه للصلاة في المسجد وتزرع فيه حبه والتأدب بأدابه ..
بعدها تاخده يصلي معاك .. وطبعا وارد جدا انه ميلتزمش باداب المسجد من اول مرة .. فهنا بقي تبدأ في تقويم سلوكه زي ما بتعمل في اي (( شقاوة )) بيعملها ..
.
ولو حد اعترض ابدأ معاه بالحسني وفهمه بالراحة .. معجبوش الكلام يشوفله مسجد تاني .. ماهو مش بيطردك من بيت ابوه .. دا بيت ربنا .. والمكان اللي مينفعش ابنك يتربي من غيره ..
.
واياك تفرط في حق ابنك .. اياك ..
التعليقات مغلقة.