اكواد علب الالبان الصناعيه الملوثه من شركه سيملاك احذرو منها المنتشره في الاسواق المصريه
الامهات اللي بتجيب علب لبن مستورده تخلي بالها.
العلب الملوثة تحمل كود ٢٢ الي ٣٧ من اول رقمين بالكود
كود K8 او SH او Z2 علي العلب بتاريخ انتهاء ابريل ٢٠٢٢ و فيما بعد ذلك واللي تم توزيعهم داخل امريكا و خارجها لبعض البلاد الأخري وطبعا اللي منهم مصر !
اسف المقال طويل شويه بس احنا في مصيبة حرفياً..
فالدكاترة والصيادلة والأمهات اللي عندهم رُضع وأطفال حساسية البان يركزوا في المقال ده الله يكرمكم ..
من يومين تم سحب نوعين من الالبان الصناعية من شركة سيميلاك في أمريكا بسبب تلوث علب اللبن وحدوث 4 حالات مرضية ومنهم حاله وفاة ..
الألبان الملوثة زي ما قولت تابعة لشركة Similac US
واسمائهم كالاتي Similac EleCare & Alimentume
فعلي من لديهم رضع بيستخدموا الألبان المذكورة التأكد من الأرقام و التواريخ ووقف الاستخدام والتخلص من العلب بالمواصفات المذكورة فوراً
و دي فرصه ننبه ان الالبان الصناعية ليست معقمة او مبسترة او خالية من البكتريا بل العكس هو الصحيح، الالبان البودره معرضه لوجود نوعين من البكتريا العنيفة هي السالمونيلا والسكازاكي
*احنا في مصيبة كبيرة لأن لبن زي الاليكير مثلا واللي بيعتمد عليه شريحة الاطفال اللي عندهم حساسية البان بقالهم شهور او يكاد يكونوا تعدوا السنة وهم بيستخدموه واللي جربوا منتجات كتير جدا لحد ما لقوا منتج مش بيتحسسوا منه !
وحاليا الرضع دول بيواجهوا مش بس التلوث اللي حصل في اللبن بل بيواجهوا كمان أعراض تحسسية محتملة بسبب اللجوء لالبان أخرى أو عدم وجود البان تناسب حالتهم من الأساس !
الاطفال دول بيواجهوا فطام مبكر من عمر شهور ومحتاجين لشهور علشان يقدروا يعملوا إعادة إدخال لالبان تانية لظروفهم الصحية وظروف أهاليهم الصعبة !
التعليقات مغلقة.