اسمع مني الكلمتين دول
المتسولين اللي في الشوارع دول مش فقراء ولا محتاجين ولا غلابه دول عصابات منظمة ممنهجة وليهم تنظيم ممنهج وهيكل ادارى هرمى كمان بس قبل ما اقولك ازاى الكلام دة لازم تفهم انك بغض النظر عن نيتك وانت بتدي للعصابات دي فلوس انت بتساهم في جرايم خطف اطفال وتعذيب وتجارة مخدرات ودعاره وسرقة
لان كل الشحاتين دول بيحسنو دخلهم عن طريق جرايم تانيه اضافيه زي اللي قلتها
مفيش شحات يقدر يقف فى حتة يشحت فيها فيها او يطلع المترو او يقف ادام محل بمزاجة . لان كل منطقة وليها ” ناضورجى ” بيأمن المتسولين وبيحميهم مقابل ” إتاوة ” معينة بيخدها كل يوم والناضورجى دة هو اللى بينظم الموضوع بحيث ميتعداش شحات على منطقة شحات تانى خاصة بقا فى المواسم بتاعتهم ، وبيختار مين يروح مناطق ايه
انا شخصياً والله رايت بعينى خناقات بين شحاتين عشان واحد منهم طلع على مكان التانى فى المترو وساعات الخناقات دى بتوصل بين الناضورجية وبتتحول لحروب بالمطاوي و التشويه بميه النار
مسألتش نفسك طب الست اللى شايلة عيل على كتفها وزنة حوالى 15 – 20 كيلو لمدة 8 ساعات فب اليوم دى معندهاش صحة تمسح سلالم او تخدم فى البيوت على الاقل شغلانة شريفة وحلال !!
طب جربت تعرض على حد فيهم وظيفة ؟؟ طبعاً مستحيل هيوافق لان اى كانت الشغلانة مش هتدخله نفس الدخل اليومي اللي بيوصل لالفات
طيب مسألتش نفسك ليه كل المتسولات تقريباً بيلبسوا “نقاب” ماهو اصلى مش من كتر الورع والتقى خلاص, من الاخر الستات دى ليهم حياة تانية انت متتخيلهاس. حياة افضل منه , بتقعد على كافية , تخش سينما , تروح مطعم حلو تاكل اكله حلوة مع سهره حلوه , ودة كله يخليها حريصة ان وشها ميظهرش فى شغلانة الشحاتة
طيب انت تعرف ان 100% من المتسولين الرجالة مدخنين ويمكن 90% منهم بياخد فلوسك يجيب بيها برشام عشان يقدر يشتغل ويلف طول اليوم فى الاتوبيسات والمترو !
الخلاصه “المؤمن كيس فطن”
ماتبقاش فاكر نفسك بتعمل خير وانت بتساهم بمالك في جرايم، اي فلوس بتدفعها اعرف ان ممكن بتعين بيها مجرم خاطف طفل وحارق قلب ام، خليك ناشف قدام الاطفال والعاهات والعجزه دول عدة النصب , الصدقات مكانها معروف والجهات الامينة معروفه وكتير ، عايز تعمل خير اعمله صح ماتستسهلش
النصب ده عالم اكبر مما تخيله مفيش شحات في الشارع دول عصابات منظمة
الاقربون اولى بالمعروف
يعني فقراء اهلك جيرانك والشارع والمنطقة عندك
التعليقات مغلقة.