لو هنعمل اعلان لعربية فول.
ممكن تقول: تعالي عندنا واحصل علي ساندوتش فول ب ٢ جنيه.
وممكن تقول: تعالي افطر عندنا واحصل علي ساندوتش فول سخن ب ٢ جنيه.
ممكن تقول: القهوة عالريق تعملك قرحة ف المعدة تعالي افطر عندنا علي عربية فول المحمدي.
ممكن تقول: القهوة عالريق تعملك قرحة (بعد الشر عليك) تعالي افطر عندنا علي عربية فول المحمدي العيش عندنا دايما سخن الجرجير طازة هتاكل صوابعك وراه.
انا كدا بعمل ايه؟
كل مرة بحاول اركز اكتر علي ٣ حاجات: الصورة اللي برسمها ف خيالك – اكون فريندلي اكتر – ابين مزايا عندي (العيش دايما سخن).
ممكن كمان ازود حاجة رابعة واضرب ف المنافس اقول مثلا (عندنا كراسي مش هتقف علي رجلك ).
دا مبدأ ف الاعلانات اسمه ال Positive Visualization دايما خليه ف بالك وانت بتكتب اعلان.
التعليقات مغلقة.