(( ورقة لحمة انما ايه حكاية ))
هتروح للجزار صحبك وتقولو ادينى حتة لحمة من وش الفخدة او من الموزة او من الريش بس دى بتبقى ملبسة وانت حر وخليه يقطعها شرايح او قطع صفيرة انت حر
ونعدى نجيب كيس فاضى كدة ونخوش عند بتاع الخضار نجيب جزرتين وكام بصلة كتير صغيرين و كوستين وبطاطستين وقرنين فلفل وراس توم وكام طمطماية معاهم من الصغيرين اوى دول زى الشيرى كدة بلى ولو ملقتش نفض او نوفر كل ده ونجيب خضار باقى المهم نروح بقى ونغسل الخضار ونقطعه حتت كبيرة ونجيب صنية من الاى بتخوش الفرن ونجيب ورق المونيا او سلوفان او سلفر ونحطه فى الصنية ونعمله زى ورقة البونبونى منخليش اى سوائل تخرج منه ونرص الخضار ونروح نحط الحمة فى طبق ونهرس كام فص توم وملح وفلف اسود ولو جوزة الطيب وشوية بهارات مشكلة كدة عطرية يبقى عنب اوى مافيش فلفل اسود وملح ورشة كزبرة وشكرا ونقلب اللحمة كويس ونحطها فوق الخضار واكيد اتبقى منك خضار نحطه على الوش ونحط اخر حاجة الكام قرن فلفل بقى اخضر ملون حامى براحتك ونقفل السلفر ونغطى الصنية بورقة مجوز كمان ونقفلها كويس ونحطها فى الفرن ونسبها ساعة ونص لحد ساعتين الاى ربع بس نحط الصنية فى الوسط ونشغل الفرن مش الشواية ونعمل بقى جمبها شوية طحينة وبالهنا والشفا
التعليقات مغلقة.