ازاي ازود احساس الشبع طول اليوم؟

ازاي ازود احساس الشبع طول اليوم؟
اولا الجوع احساس طبيعي جدا، بس مش طبيعي ابدا اني احس بيه طول اليوم.

في خطوات ممكن نعملها تخلينا شبعانين طول اليوم، منها:

١- تأخير الفطار.
مش مفروض نكسر صيامنا اول ما نصحي من النوم، ده بيوقف حرق الدهون اللي كان مستمر خلال ساعات الصيام اثناء النوم،

ده غير ان الفطار بيجوع، افتكر اي يوم نسيت تفطر فيه او فطرت متأخر فيه، هاتلاقي الجوع قل خلال اليوم جدا، خصوصا لو الفطار فيه نشويات،

ساعتها هاتجوع بعدها بساعتين تلاتة بالكتير.
لو شربت مياه واخرت الفطار لحد ما اجوع، ده هايقلل الجوع خلال اليوم.

٢- منع السناكس.
Ironically السناكس بتجوع
احنا بناخدها عشان جعانين، بس عشان مش وجبة اساسية ولا متكاملة اطلاقا وعشان طبعا وجبة صغيرة وعشان في الاغلب هاتكون نشويات بردو زي الفاكهة والجرانولا بارز، هاتجوعك اكتر.
منع السناك بيقلل الجوع.

٣- زيادة البروتين.
لو بتحتاج سناك بين الوجبات، ده عشان البروتين في الوجبة قليل والنشويات عالية، لو زودت البروتين في الوجبة هاتقدر تقعد ساعات اطول من غير جوع.

٤- عكس النصيحة المعتادة، هاناكل وجبات كبيرة ونقوم منها شبعانين، والوجبة تعتمد علي البروتين، لو عملنا كده احساس الجوع بين الوجبات هايقل خالص ومش هاحتاج اي ارادة عشان ابطل اكل، لاني هاكون شبعان.