هل الصيام بيجوع اكتر من تقليل الاكل

37

الجوع احساس طبيعي. المفروض نحسه عادي ومش بيعض.

اللي مش مفروض هو اني ابقي طول الوقت جعان، وده علي فكرة بيحصل من تقليل الاكل.
تقليل الكميات هي اكتر حاجة بتجوع، وعشان كده حاجة غير آدمية اني ابقي طول الوقت مقلل سعراتي، محدش المفروض يكون طول الوقت جعان.

الصيام مش بيجوع زي ما انت متخيل خالص.

الصيام بيجوع اقل من تقليل الاكل، بكتير.
انك تاكل قليل ده بيجوع اكتر من انك ماتاكلش أصلًا.

اول ما تبدأ صيام متقطع هاتجوع. طبيعي.
لأنك متعود تاكل طول الوقت.

اول ما تقطع السناك، هاتجوع.
طبيعي، لأنك متعود تاكل طول الوقت.

عادي، الجوع مابيعضش.
ولو ماسمعتلوش، هايروح.
لأن ده أصلًا مش جوع حقيقي.

مفهاش حاجة لما اجوع شوية بين الوجبات، مش لازم اجري اخد سناك، ممكن استني الوجبة عادي مش هايحصل حاجة.
الجوع مابيعضش.

اسمح لجسمك يصوم.
الانسان بيصوم منذ بدأ الخلق، دي حاجة طبيعية وفسيولوجية وجسمنا بيعرف يتعامل معاها، علي عكس تقليل الاكل.

الجوع مابيعضش.