حابب تبدأ بيزنس خاص بيك ؟!
خد النصايح دى من واحد عايزلك الخير ..
.
قلل راس المال الثابت حتي لو علي حساب زيادة التكاليف الدورية.
عايز تفتح مصنع مثلا .. مصنع جديد مش فرع لمصنع قديم ..
مينفعش تشتري مصنع او ارض وتبنيها مصنع .. أجر مصنع في اي منطقة صناعية ..
محتاج عربيات نقل لتحريك بضايعك .. اجرها .. متشتريهاش .. ولما تكبر وشغلك يستقر ابقي اشتري اسطول عربيات..
حابب تصنع مثلا أثاث مكتبي .. بدل ما تجيب مكنة ليزر وتناية ومقص ب 2 مليون جنيه .. اجر مصنع جنب مصنع عنده الماكينات دى و نفذ مراحل التصنيع دى عنده .. وفي الاخر اشتغل انت على اللحامات والتجميع و الفينش ..
.
.
اه في كل الحالات دى الفاتورة اللى بتدفعها كل شهر هتزيد .. تكلفة تصنيع المنتج عليك هتزيد .. لكن انت هتبقي مستفيد ان تكلفة الانسحاب هتكون في ادني مستوياتها .. فلو حسيت انك لم توفق في اي وقت هيبقى سهل عليك تنسحب بأقل خساير .. مش هتقعد جنب الكام مليون اللى صرفتهم وايدك علي خدك !!
.
وخلينا كمان نحسبها بشكل تاني ..
انت راجل معاك 2-3 مليون تقدر تجيب بيهم الماكينات اللازمة لتشغيل مصنع اثاث معدني مثلا .. وقلت لا مش هسمع كلامك يا ابو حميد وهجيب المكن دا علشان اقلل تكلفة الانتاج وبالتالى اقدر اقدم سعر منافس ..
.
هقولك كلامك مش صحيح يا صديقي .. انت اخطأت في حساب التكاليف .. واخطأت في التخطيط .. ازاي ؟!
التعليقات مغلقة.