معظم أصحاب السمنه والوزن الزايد بيحبوا من يحنوا عليهم ويبيع لهم الوهم من

61

⛔خبرة أكثر من ٣ سنوات دايت

من خبرتي أثناء رحلة التغيير تيقنت من إن معظم أصحاب السمنه والوزن الزايد بيحبوا من يحنوا عليهم ويبيع لهم (الوهم) من أصحاب السبوبه بالجملة الشهيرة(هخسسك من غير حرمان) ووهم تحدي ال ١٠ ول ١٥ كيلو لدرجة إن في عناوين بتوصل ل ٢٠ ك في الشهر لبعض الفيديوهات والمشكله بلاقي عليها تفاعل بمئات الألف.
ومن هنا زاد طموح صاحب السبوبه بإنه يبيع وهم أكبر بدعايه أكثر كذباً ويصدر منتج مجهول الهويه بدعاية كاذبه (تاكل اللي انت عايزه واشرب الكيس ده أو الحبوب دي) .


وكل هذه الادويه بتشتغل علي خلايا المخ وهذا أمر خطير جدا لو عديت منه بسلام هتتخن اللي نزلتهم تاني وبسرعه جدا لأنك مغيرتش اسلوب حياتك.
وفي النهاية لما تفقد كل الحيل في الطرق الغير صحيحه تلجأ للخطر الأكبر (عملية التكميم أو تحويل المسار) أمر محزن جدا

قاعده عامه
سهل انك تخس بالمشاريب الكيميائيه لكن صعب تحافظ علي وزنك ومترجعش تاني إلا لو غيرت إسلوب حياتك.
غير أكلك ونظم وجباتك وجسمك هياخد شكل تاني وبلاش إستعجال لانك لو استعجلت هترجع تاني.

الناس هتشوف المقال ومش هتتفاعل لأن الكلام مش علي هواهم وهما مش قادرين يواجهوا نفسهم بالحقيقه علشان يمشوا في الطريق الصحيح
إللي واجه نفسه يحكي عن تجربته واللي مش قادر يحكي عن مشكلته

يا رب الصحة للجميع