قصه مزرعة العنب والاثنين حرامية

40

واحد يمتلك مزرعة عنب و اثنين حرامية كل يوم ييجوا بالليل ومعاهم قفصين كبار ويملوها عنب و ييمشوا .
كل يوم الحرامية بييجوا يسرقوا عنب من نفس المزرعة بتاعة نفس الراجل

صاحب المزرعة كان عارف كدة بس بيكبر دماغه
وفي يوم قرر انه مش هيفضل يتسرق العمر كله
” لازم آخد موقف “

نزل بالليل لما الحراميه وصلوا ومعاه عصايا و لكنه سمع واحد بيقول للتاني
” يا أخي إحنا بقالنا سنين طويلة بنيجي كل يوم نسرق نفس العنب من نفس الراجل .. من نفس المكان .. لا إحنا إتغنينا .. ولا الراجل إفتقر !!!!!! “

ساعتها صاحب المزرعة خد بعضه ورجع ع البيت تاني وهو ناوي يسيبهم يسرقوا واعتبر ان العنب ده لوجه الله وعرف إن ربنا معوضه ومباركله في حاجات كتير بسبب الناس الطمعانة فى اموال الناس ويكفي إن هو أحسن منهم وهما محتاجين له على طول

اللي جرب يدي و بس عمره ما هيفتقر

واللي جرب ياخد و بس عمره ماهيغتني

معادلة سهلة بس مين بيفهمها اعطى دائما وانتظر العوض من الله وحده .. وقيس على كدا حاجات كثيرة بتعملها وناس ممكن تسرقها مش شرط العنب ..