الصيام مش امتناع عن اكل وشرب… فليس لله حاجه فى أن تدع طعامك وشرابك..
الصيام لازم يظهر اثره علينا..!!
أهم ١٠ حاجات تاخد بالك منها فى رمضان..
.
١- ماتتكلمش كتير وانت صايم .. ماتهزرش كتير .. ماتعليش صوتك..
ليه..؟
حديث النبى “فإذا كان صوم أحدكم فلا يرفث ولا يصخب”
.
٢- لو حد ضايقك فى أى حاجه…ماتردش عليه..
قول : انى صائم
.
٣- رمضان مش من الفجر للمغرب .. رمضان ٣٠ يوم ليل ونهار..فلو الصيام بالجوارح بالنهار..فالصيام بالقلب بالليل والنهار
.
٤- كل الناس ممكن تصلى وتصوم وتقرا قرآن…بس مايعرفوش إن الهدف من ده كله هو التقوى..فركز إن سلوكك يتعدل ويتحسن..ركز إن قلبك يتعدل…ركز إن العبادات تغير فى المعاملات..لو بتكذب بطل..لو بتغتاب كفايه كده..لو بترتشى توب… هنتوب امتى.. اتغير بجد ..!!
.
٥- جهز ٣٠ دعوه..اكتبهم على الموبايل عندك فى اى مكان…وكل يوم ادعى بواحده عند فطرك.. لأن ليك كل يوم على الاقل دعوه مستجابه…خلى الدعوات منوعه مابين دنيا وأخره..
.
٦- هات السبحه الالكترونيه وخليها فى جيبك على طول…وحط هدف إن كل يوم على الأقل تذكر ربنا ١٠ آلاف مره…نوع فى الذكر..مابين تحميد وتسبيح وتكبير …الخ
.
٧ – ماتعديش يوم من غير صدقه…حتى لو جنيه واحد..هتلاقى كرم مابعده كرم فى الدنيا قبل الآخرة…مانقص مال من صدقه…فيضاعفه الله اضعاف كثيره..
.
٨- صلى التراويح مع حد صوته حلو…هيشجعك تكمل .
.
٩- كل يوم ربنا ليه عتقاء من النار…. أطلب من ربنا من كل قلبك كل ليله إن ماكنش اعتقك قبل كده فيعتقك انهارده..ولله عتقاء من النار وذلك فى كل ليلة.
.
١٠ – خلى ختمة السنادى مش قراءه بس..العبره مش بالكم…هات المصحف اللى فيه المعانى… وأقرأ معانى كل صفحه تقرأها…وشوف أنت فين منها.
.
احنا ناوين نصوم السنادى ولا ناوين نمثل اننا بنصوم..؟!
الصيام مش امتناع عن اكل وشرب… فليس لله حاجه فى أن تدع طعامك وشرابك..
الصيام لازم يظهر اثره علينا..!!
ربنا يرزقنا باب الريان ..
التعليقات مغلقة.