البيضة والحجر

720

البيضة والحجر

_ ما هو لو كنت انسان جاهل كنا صدقنا انك مدعي ودجال .. لكن انت إنسان مثقف وعندك دكتوراه في العلوم الفلسفية
= ما هو دة من خيبتي برضوا
_ واضح انك شديد التواضع يا صاحب الكرامة
= يا محترم انا مش صاحب كرامة
_ استغفر الله .. دة انت اللي بتوزع الامل الحلو علي الناس كل يوم الصبح .. هو في حد في البلد كلها مبيقراش حظك هذا اليوم المنور ببصمتك في الجرايد
= كله في الهجايص صدقني
_ اصدقك واكذب نفسي؟! … اذا كنت انا شخصيا مبقدرش اتحرك من بيتي الصبح قبل ما اطمن علي حظي في الجورنال
= تبقي غلطان
_ يا دكتور التحريات بتقول ان كل الناس اللي اتعاملوا معاك بيأكدوا انك صاحب كرامة وليك وزنك
= انا زي اللي لابس بدلة حديد كل ما بيزيد وزنه جواها بتخنقه
_ يعني انت مصمم انك دجال؟!
= كل شيئ أصبح مزيف .. المبادئ ، الأفكار ، الناس … حتي نظريات العلم بيفتتها الشك وبتهدمها البحوث الجديدة مع كل يوم
_ بصراحة انت اجهدت ذهني
= الناس في حاجة ليقين ، لحقيقة واحدة تكون ثابتة .. دة اللي بيخليهم يؤمنوا بحجاب وتعويذة ودرويش اهبل يضحك عليهم
_ افهم من كدة انك بتجهل المجتمع وبتتهمه بالجهل؟!
= لا .. بالضعف .. الضعف مبيفرقش بين جاهل ومتعلم .. هما اللي بيخلقوا الدجال وبيصنعوه بإرادتهم .. زي ما صنعوا من الحجر تمثال وعبدوه

_ البيضة والحجر ( 1990 )
“تأليف : محمود ابو زيد ، اخراج : علي عبد الخالق”