إزاي ترفع معدل هرمون الذكوره بشكل صحي وطبيعي ؟!

27

إزاي ترفع معدل هرمون الذكوره بشكل صحي وطبيعي ؟!

هرمون الذكوره (التيستوستيرون) مهم جداً لأي راجل لعملياته الحيويه والجنسيه والمزاجيه بالأضافه لأهميته في بناء العضلات

هرمون الذكوره معدلاته بتبدأ تقل من سن الخامسه والعشرين لسن الخامسه والاربعين وبعدين يبدأ في الانهيار من ال 48 لنهاية عمر الرجل

في طرق طبيعيه وصحيه لرفع هرمون الذكوره بعيد عن الادويه والهرمونات

أول وأهم طرق رفع معدلات هرمون الذكوه هي الرياضه بأنواعها رياضات المقاومه زي رفع الأثقال أو رياضات الكارديو زي الجري وركوب العجل

تاني طريقه التغذيه الصحيه الخاليه من الكاربوهيدرات البسيطه والدهون المضره والسعرات الحراريه العاليه واللي لازم تحتوي علي كل الفيتامينات والمعادن خصوصاً فيتامين دال و والزنك

تالت طريقه نزول الوزن وتقليل نسبه الدهون في الجسم لأن العلاقه طرديه مابين السمنه والضعف الجنسي

رابع طريقه تغير نمط الحياه لنمط حياه نشيط خالي من الكسل والخمول

خامس طريقه البعد عن التوتر والقلق والإكتئاب

سادس طريقه الحصول علي قسط وافي من النوم

سابع طريقه البعد التام والنهائي عن التدخين

الأهم من كل ده البعد التام عن الهرمونات والادويه والمنشطات الجنسيه والوصفات الشعبيه والاعشاب
إلا في حالة إن الطبيب يكون هو اللي أمر بيها لأنها ممكن تؤدي لأثر عكسي وتؤدي للعجز الجنسي التام لو تم أخدها بشكل عشوائي من غير أمر طبيب