القصه بالعاميه لتيسير فهمها ولكي لا تنسي
- اوعي تقوليلي انك متعرفيش ان #سيدنا_عمر كان ليه #عمّ #موحد كمان ؟!
- ايه ده ؟! معرفش !! #احكيلي_احكيلي
- بصي ده حكايته مختلفة شويه وجميلة هو مش صحابي بس حكايته مينفعش منكونش نعرفها ، اسمعي بقى
……..
اسمه #زيدبنعمروبن_نفير وحكايته بتبدأ من قبل مبعث سيدنا محمد ، حتى لو تلاحظي اني قولت انه من الموحدين مش المسلمين !!
ازاي مش فاهمه ؟!
-أنا هفهمك ، زمان كان فيه نبي اسمه #سيدناإبراهيم دعى الناس لعبادة الله الأحد وعدم الاشراك به ، وفيه ناس آمنت ودول كان اسمهم الحنيفية
وفعلاً استمر الوضع هكذا ، والناس موحدين الله لحد ما حصل ف مكة شيء غريب وغير الموازين
ايه الل حصل _بقى
- فيه واحد اسمه #عمروبنلحى_الخزاعي وكان من قبيلة #خزاعة ، ده بقى راح يتاجر في الشام ف شاف هناك مجموعة بيسجدوا للأصنام فاستنكر عليهم ازاي يسجدوا لها من دون الله
قالوله ” إننا لا نعبد الأصنام كحجارة ، وانما نتقرب لله بأرواح الصالحين التي تسكنها”
عجبه التفسير ،وطلب منهم صنم وادوله صنم يقال له (هُبل) ورجع بيه لمكة وحكى للناس ومن ساعتها بقوا يعبدوا الأصنام
يااااهطيبوايهعلاقةسيدنا_زيد
- سيدنا زيد مكنش عاجبه الل بيحصل ، كان دايماً يقول ازاي الواحد يعبد صنم ولو جاع يأكله واستخدم عقله الل أنكر عليه هذا الفعل ، وراح سافر لبلاد الشام علشان يبحث عن دين يؤمن بيه ، مقتنعش بدين النصارى ولا اليهود
ساعتها فيه ناس قالت له ان الدين الل هو بيطلبه دين سيدنا إبراهيم ” #الحنيفيه “
وفعلاً آمن سيدنا زيد بهذا الدين ورجع مكة ووقف قدام الكعبة ونادى في #أهل_مكة
“يا معشر قريش والله ما منكم على دين ابراهيم غيري”
وكان متحير ازاي يصلي لانه ميعرفش
فناجى ربه وقال
“اللهم اني لو اعلم احب الوجوه اليك عبدتك به ، ولكني لا أعلم ” وخر ساجدا. عند الكعبة
يعنيالكلامدهكانامتى ؟!
- الكلام ده كان قبل مبعث سيدنا محمد ، والغريب ان سيدنا زيد كان بيقابل سيدنا محمد في مكة عادي ولكن محدش كان يعرف انه هيكون رسول الله
ونسيت اقولك ان سيدنا زيد كان بيرفض فكرة وأد البنات ، كان لما يلاقي حد هيوأد بنته يروحله ويقوله اتركها وانا هكفيك مؤونتها
“كان يملك قلب رقيق ، ومحب “🌸💙
طيبكمليايهحصلبعدين ؟!
- بعض الرهبان أخبروه ان فيه نبي سيبعث بدين التوحيد وكان مُتلهف للقياه ومنتظره ومكنش يعرف انه محمد بن عبدالله
ومرت السنين وكان في بلاد الشام ف جه راهب وقاله ان النبي الل بيدعوا للتوحيد ظهر في مكة
وفعلاً سيدنا زيد فرح بالخبر وشد رحاله فوراً على مكة علشان يقابل النبي ويآمن بيه ، بس ساعتها وهو ف الطريق حصلت المأساة
ايه_حصل
-ظهروا عليه مجموعة من قطاع الطرق وقتلوه قبل ما يوصل للنبي ، وساعتها نظر للسما ودعا ربه بدعاء وفاضت روحه لبارئها
- يا ربي ، #طيب والنبي معرفش _بيه ؟!
- لا طبعاً عرف ، سيدنا زيد ف مرة قابل عامر بن ربيعة واخبره انه فيه نبي هيظهر بدين التوحيد ولو انا مأدركتهوش بلغه سلامي وأخبره اني مؤمن بيه
ف سيدنا عامر أخبر النبي وساعتها النبي ترحم عليه ، وقال يا عامر “إني رأيته في الجنة يسحب ذيولا”
-طيب #وايهالدعوةالل_دعاها ؟! - كان بيدعي ربنا ان ابنه يؤمن بسيدنا محمد ويكون على دين التوحيد
- طيب #وربنااستجابدعوته ؟!
- طبعاً ، وابنه كان من أعظم جنود المسلمين ، وكمان من العشرة المبشرين بالجنة ، وليه مواقف عظيمه خدم فيها الاسلام
التعليقات مغلقة.