الفصام؟ او Schizophrenia
الفصام هو واحد من الأمراض النفسية اللي معلومات الكثير مننا عنه مغلوطة ومضللة وده للأسف بيزود من النظرة غير السليمة ليه وبالتالي وصم المصابين بيه.
علشان كده هنشارك معاكم مجموعة من المعلومات الخاطئة وتصحيحها بخصوص الفصام.
-الفصام ما اسموش انفصام في الشخصية.. اضطرابات الشخصية بتختلف عن الفصام اللي بيتميز بإنه اضطراب في كيميا المخ اللي بتؤدي لعدم قدرة المريض على التعامل مع الواقع بشكل سليم وبالتالي بتشوه حكمه على الأمور وقدرته على تمييز الواقع من الضلالات.
- مريض الفصام مش محكوم عليه بالإعدام.. بالعكس هو يقدر ييعيش حياة صحية ويشتغل ويكون علاقات حقيقية طول ما هو بيخضع للعلاج وبيتلقى الدعم والرعاية ولو هو كمان فهم مرضه ونجح في التعامل معاه.
- أدوية الفصام مش هدفها إنها تهدي المريض وتنيمه وتخليه غير قادر على التفاعل.. لكن هدفها الرئيسي إنها تتحكم في الاضطراب الكيميائي اللي بينتج عنه الضلالات اللي بيكون المريض مصدقها والهلاوس السمعية والبصرية اللي بيتعرضلها.
- مريض الفصام يقدر يفهم مرضه ويتعلم عنه وبالتالي يتعايش معاه في حالة كونه مزمن أو يحمي نفسه من إعادة الإصابة بالأعراض تاني وده بيكون من خلال دعم فريقه الطبي وأهله والناس المقربين ليه.
ماتخافش من المرض لأنه ليه علاج.. واجه الوصمة لأن هي اللي بتحرم المريض من حق طلب العلاج.
التعليقات مغلقة.