هل تعلم أن السمكة كائن حي ؟!!
انا مش بستظرف علي فكرة بسؤالي و لا دي ألشة…
أنا بجد بفكرك ان الاسماك كائنات حية علي فكرة
و بالتالي مفيش مبرر منطقي انك تشوي سمكة و هي حية و تتنطط قدامك ع الشواية !
(#والغريب أن الناس بتبقي مبسوطه وتقولك والله اشتريت سمك كان طازج وكان بيلعب ع الشوايه )
حضرتك انت بتشويها حية !! حضرتك انت بتعذبها بالنار حتي الموت !
و الكابوريا و الجمبري اللي حضرتك بتحطهم في مية مغلية و هم لسه فيهم الروح ….واخد بالك انت بتعمل فيهم ايه !!
الكائنات دي بتتألم زينا….يا ريت نبقي رحماء و احنا بنتعامل مع أي روح.
أحب بس أقول لكم معلومة:
مفيش حيوان مفترس بيأكل فريسته حية.. لازم بيموتها بطريقة احترافية مفيهاش تعذيب….
التعليقات مغلقة.