هل منتجات كيتوا دايت بتخسس ؟ وماهي اسعارها ؟

151

في منافذ بيع كتير بدأت تنتشر وبتبيع أنواع كتير من الحلويات والايسكريمات تحت مسمي منتجات كيتوا دايت بأسعار طبعا غالية السعر وعلشان نكون منصفين هي أقل ضررا من المنتجات المتداوله وفي متناول إيد الجميع وده طبعاً لإنهم عارفين دماغ إللي عايز يخس بتفكر إزاي عارفين إنه عايز يخس وياكل إللي نفسه فيه تحت شعار

(خس من غير حرمان)


طبعا طول ما هتفكر بالطريقه دي عمرك ما هتوصل لهدفك ولو وصلتله بالطريقه دي هترجع تاني يا إما تفضل زبون مستمر عند هذه المنافذ اللي بتبيع بولة أيس كريم الكيتو ب ٣٥ جنيه وكيس الخبز ب ٢٥ جنيه وممكن تتوقعوا لستة المنتجات براحتكم


لو ظروفك مرتاحه خليك زبون مستديم عندهم لكن لو ظررفك زي حالاتي خليك في فنجان قهوه عربي أو أي مشروب بتحبه و٣ تمرات ويبقي ده الحلو بتاعك اللي هيعدل مزاجك ولازم تخلص من إدمان الحجات دي وركز علي البيض والخيار والسلطه الخضرا وخليك في حالك وبدل ما تجيب شوية حجات من دي وفر تمنهم وهات كيلو لحمه واعمل صنية كوسه محترمه وكل انت والعيال