نصايح الصيام المتقطع لستات البيت والبنات

79

متصعبهاش علي نفسك وإعملي أكلك بالطريقه إللي انتي متعوده عليها المهم تعمليه بطريقه صحيه لو انتي ملكيش في الافتكاسات ومتدوريش علي الاصناف اللي انتي مش عارفاها من الاساس لان مش هي اللي هتخسسك اللي هيخسسك قلة الأكل وهي مش ناقصه افتكاسات ولا إرهاق علشان متتلككيش على نفسك وتتحججي إن أكل الدايت متعب ومرهق وصعب ومكلف وشرير طبعا انتي بتكدبي

وبناء عليه هتقومي جايبه مكونات الكيكه وتعملي صنيه ترضي بيها حرمانك الفتره اللي فاتت وتقللي السكر شويه قال إيه دايت مفيش كيكه دايت يا مدام ويا أنسه الكيكه كيكه لامؤخذه لو هناكلها ناكلها بس بالمعقول ونبقي عارفين. وترجعي تندمي وتستمر دائرة الندم مع صنف جديد في كل مره تتلككي فيها مع نفسك


حضرتك مش الشيف بوراك يعني ولا الدايت محتاج ده كله ده احنا المفروض نوفر في ميزانيتنا مش نروح نجيب عيش توست مصنوع مش عارف إيه من حبوب إيه الكامله من الكيس ابو ٢٠ جنيه تقومي انتي عايزه توفري فتجيبي المكونات بتاع الخبز علشان تعمليه بنفسك وتفشلي في المحاوله قوم إيه بقي تتلككي علي نفسك علشان ترضي نفسك كأنثي لهلوبه في المطبخ والدايت هوه سبب فشلك وتقومي عامله صنية بسبوسه قال إيه بطريقه صحيه نناقصه سكر
صحية مين يا حجه انتي بتضحكي علي نفسك عدم اللامؤاخذه.

كلي من أكل البيت وزودي الخضار والسلطه الخضرا وامنعي سكريات وزيوت مهدرجه ومكرره مع صيام ١٦ ساعه وهتنبهري بالنتيجه.

يارب الصحة للجميع

أصعب شئ في الدنيا إنك تتصالح مع نفسك وتصل لحالة الصفاء النفسي لأنكم فاهمين بعض فمينفعش يحدث صفاء نفسي بينك وبينها وهناك جزء في حياتك من النفاق (يعني من الاخر كده مش هتعرف تضحك عليها طول الوقت).
لازم كل حاجه بتعملها تكونوا متفقين مع بعض عليها علشان تتعمل بإقتناع مشترك.

إحترس فمن الممكن أن تتصالح مع جميع من حولك بجزء بسيط من النفاق والرياء لرسم صورة مزيفه فتأبي نفسك أن تتصالح معك.
لو قررت التصالح مع الجميع إرفع راية السلام لتنعم بالسلام حتي ولو كنت مظلوم.
ولو لم تستطيع فعل هذا مع من ظلمك فهذا حقك المشروع ولا تجاهد نفسك علي الرياء والكذب حتي تنعم بالسلام النفسي.
إبتعد عن من ظلمك لو لم تستطع أن تسامحه بصورة مطلقه حتي تستطيع أن تقترب من نفسك لتهذيبها.
حرروا أنفسكم لتساعدكم علي النجاة