مواصفات الزوج الفاشل:

634

شخص بارد لايعتمد على رأيه،

ماعندوش مشكلة يسيبك تروحي للدكتور لوحدك ولما تمرضي يقولك انتي بتتمارضي،

ماعندوش مشكله لما تكوني تعبانه إن إيد تانيه غيره تساعدك وتسندك،

راجل مجوف من جوه مايقدرش يتناقش معاكي في كل الأمور الجاده والتافهه حتى بنفس الإنتباه والإهتمام،

مافيش مره تحتاجيله إلا وتلاقي نفسك لوحدك تماما،

شخص يسخر من كل نجاح صغير أو حلم نفسك تحققيه، لحد ماتتحولي بمرور الوقت للشخص الفاشل اللي هو عايزه،

راجل مافيش أي حاجه تتشاركوا فيها أو تجمعكم وقت الفراغ غير الجنس وحشو معدته بالطعام،

ماعندوش مشكله يفوت ولادة طفلكم الأول لأن الشغل أهم من وجهة نظره، أو ذكرى جوازكم عشان مباراة فريقه المفضل، يخجل من مناداتك “حبيبتي” ويستبدلها بكلمات جافه من المشاعر زي أم العيال والجماعه والبيت ..

راجل زي دا هياخدك من بيت اهلك نجمه، ألف واحد يتمناكي، وبمرور السنين معاه .. هتنطفي !!

بالمناسبة الناس اللي مفكرين الوضع مختلف عند الدول الغربية في اوروبا والدول المتقدمة
حابب اصدمكم إن الوضع هو هو وحتى الستات هناك بيشتكوا من نفس الحاجات
وإن دولة زي انجلترا فيها اعلى معدل لضرب الزوجات في العالم وهناك ضرب الست دا عادي
فبلاش عقد النقص دي ناحية نفسكم كعرب