ليه معظم الناس وزنها زايد وعندها دهون زيادة وان مقاومة الانسولين بقت العادي؟

47

كلنا عارفين ان دلوقتي في ازمة صحية، وان معظم الناس وزنها زايد وعندها دهون زيادة وان مقاومة الانسولين بقت العادي.


دي ازمة صحية في العالم كله ولما تكون حاجة عند كل الناس بمختلف الثقافات والجينات، يبقي المشكلة مش في كل الناس، المشكلة في العادات.

ايه العادات الغلط اللي سببت كل ده؟
منها طبعا اللي انا دايما بتكلم عليه زي:

  • الاكل كل ثانية في كل يوم
  • السكر والنشويات المخففة
  • خلط الدهون علي النشويات زي الدوناتس والبطاطس المحمرة وغيره
    بس في عامل تاني مش واخد حقه وهو ان محدش بقي عنده كتلة عضلية، ودي نقطة دايما بتتكلم فيها Dr Gabrielle Lyon

ان ممكن تكون الازمة الصحية اللي منتشرة في العالم كله دلوقتي مش ازمة زيادة دهون زي ما كلنا فاهمين ولكن ازمة نقص عضلات.
دلوقتي بقت حاجة غريبة ان حد يتمرن عشان التمرين بقي اختياري، زمان كان الانسان بيضطر يتمشي ولازم يطلع سلالم ولازم يشيل حاجة تقيلة، وقبلها بسنين اكتر ‪كان كمان بيحتاج مجهود عشان يحصل علي الاكل اصلا، سواء نباتات او حيوانات‬
‪دلوقتي لو مش عايز، ممكن ماتتمرنش وحتي ماتتحركش خالص وللاسف ده اللي كل الناس بتعمله وده من اهم اسباب المشاكل الصحية في عصرنا.‬
‪ان مفيش كتلة عضلية‬

‪الكتلة العضلية مفيدة لتحقيق هدفك ايا كان هو ايه، وكل الناس محتاجة تزيد كتلة عضلية حتي الناس الرفيعة او الصغيرة او اللي معندهاش مشاكل صحية.‬

‪الكتلة العضلية هاتساعدك توصل لهدفك ازاي؟‬
‪١- الكتلة العضلية بتخلي الجسم مشدود، ومفيش حد مش عايز يبقي شكله حلو وجسمه مشدود، ايا كان وزنه‬

‪٢- الكتلة العضلية بتحسن حساسية الانسولين‬
‪دي مش نقطة مهمة لمرضي السكر ومقاومة الانسولين بس، دي مهمة لينا كلنا، كلنا هانستفيد بتحسن حساسية الانسولين، ده هايقلل احتمال اننا يجيلنا سكر او كبد دهني او تكيسات او ضغط او كل الامراض اللي بتحصل بسبب مقاومة الانسولين‬

‪٣- الكتلة العضلية بتعاكس تأثير السن‬
‪مع العمر، حساسية الانسولين بتقل وقدرة جسمك علي التعامل مع النشويات بالذات بتقل وعشان كده ممكن شوكولاتاية ماكنتش بتخنك وانت في العشرينات بس تخننك وانت في الخمسينات،

مش عشان الحرق بتاعك قل بس عشان حساسية الانسولين قلت.‬
‪لما بنزود الكتلة العضلية بنحسن حساسية الانسولين وبنقلل من تأثير السن‬

‪٤- الكتلة العضلية هي السلاح الوحيد قصاد دهون الاحشاء‬
‪معظم الناس عندها دهون علي الكبد، السبب الاساسي لدهون الكبد هو اكل السكر مش الدهون، زيادة الكتلة العضلية بتساعد في تحسين حالة الكبد الدهني‬