وقررت تخش مجال الفيب أهلا بيك بس في شوية حجات مهمة هنتكلم فيها

290

خلاص إقتنعت وقررت تخش مجال الفيب
أهلا بيك بس في شوية حجات مهمة هنتكلم فيها :

-مبدئيا كده يا صاحبي الفيب ده مش للروشنة ولا للموضة ولا البنات هتنبهر أول ما تشوف السحاب اللي حضرتك عامله ده لشخص كان مدخن شيشة أو سجاير لأن الموضوع بالنسباله مش هيبقى مكلف وغير كدة أنت هتتضر حتى لو بتشرب 0نيكوتين هو مش هيحصله حاجة

-قاعد مع اصحابك بتفيب وهروك تريقة وقالو إن الفيب ده للفرافير أو العيال اللامؤاخذة. الكلام ده تخلف أنت واحد إختارت إنك تحافظ على صحتك فا بلاش الكلام ده يغير قرارك انك تبطل

-إوعى تسترخص هات حاجة كويسة من البداية علشان خاطر متقعدش تبيع وتشتري

-لو هتجيب مود وبطاريات خارجية إوعى تشحنها بالكابل حتى لو هو قايل. هاتلك شاحن بطاريات محترم علشان تحافظ على المود و بلاش تسترخص في البطاريات علشان مايحصلش معاك مشاكل

-ولو انت بتشرب من تانك سواء mtl أو dl ظبط الوكاية والواط علشان الليكويد ميلسوعكش أو يخش في بوقك وتشتكي وتخرب الدنيا على الجروبات وتكره الفيب

-ومش لازم تشتري الحاجة الجديدة اللي لسة نازلة لو معاك معاك حاجة كويسة إحمد ربك ومتفكرش تغير علشان هتوقع في الحفرة دي ومش هتعرف تطلع منها

وآخر نصيحة طلاما دخلت المجال وتمام ومرتاح ملكش دعوة باللي يعارضك حتى لو حد من أهلك ومش مشكلة إنك تدمن الفيب ومتعرفش تطلع منه على الأقل بيخش جسمك حاجة نضيفة لا فيها قطران ولا حرق ولا حجات متفق هليها إنها مسرطنة