تقليل الاغتراب للطالب المنتسب

217

تقليل الاغتراب ( مناظر _ غير مناظر )

مناظر
يعنى هتحول من كليه لنفس الكليه بس من محافظة بعيده للمحافظة بتاعتك وده اسمه تقليل اغتراب مناظر
واى كليه بتقبل 10% من عدد الطلاب اللى اتقبل فى الكليه يعنى لو تجاره دمنهور قبل 100 طالب يبقى تجاره دمنهور هتقبل 10 طلاب فى تقليل الاغتراب وبيكون الافضليه للى مجموعة قريب ومفيش فرق بين ولد أوبنت
الغير مناظر
بيكون تحويل من كليه لكليه تانيه خالص بشرط تكون جايب مجموعها
………………..
لسه باب تقليل الاغتراب والتحويل مافتحش والاغلب هيفتح بعد نتيجه المرحله التانيه زى السنه اللى فاتت
النـــاس تركز فى الكلام دا ياجماعـــة 📢
دلوقتى تقليل الأغتراب هيفتح بعد نهايــــة المرحله التانيه هيفتح للمرحلة الأولى والتانيــــة مع بعض بس فى شويــــة قواعد لازم تعرفهم قبل ماتدخل على الموقع

– بالنسبة للناس اللى مش محتاجه تقليل الأغتراب تابعوا صفحات الكليات بتاعتكم هينزل عليها مواعيد التقديم

نيجى بقى للناس اللى هتقدم على تقليل الأغتراب

  • مبدئيا كدا انت قدامك حاجة واحده أما تعمل تقليل اغتراب او تحويل لو أنت فى دماغك الأتنين لازم تقرر الأول لانك مش هتعرف تعمل الاتنين
    مافيش كلام تانى فى النقطه دى

– تقليل الاغتراب فرصتك فى القبول كبيره كل ماتكون قريب للكليه اللى بتعمل له تقليل الاغتراب

-لازم عمليه تقليل اغتراب تكون لكلية من نطاق ( أ ) يعنى لو جيت تعمل تقليل اغتراب من مكان بعيد لكلية خارج نطاق (أ ) هيقولك خطأ فى التوزيع الجغرافى زى الرغبات بالظبط

مثلا لو حضرتك جالك هندسه أسيوط وأنت من القاهره لازم لما تيجى تعمل تقليل اغتراب يبقى للجامعات التالية ( عين شمس – حلوان – القاهره )
ومش هتختار اى واحده فيهم وخلاص لا تختار الأقرب لمجموعك

– نيجى للناس اللى عايزه تحول من كلية لكلية تانيه لازم برضوا تبقى داخل التوزيع الجغرافى بمعنى لو حضرتك اداب القاهره وعايز تحول تجارة
يبقى لازم تحول لتجارة القاهره أو عين شمس أو حلوان شرط تكون جايب مجموع تجاره فى الجامعة اللى عايز تحول له
مينفعش تحول من اداب القاهره لاداب المنصوره كدا هيقولك خطا فى التوزيع الجغرافى ( لازم التحويل دا النطاق بتاعك )

  • نفترض ان تقليل الأغتراب اترفص مش هيبقى قدامك غير حل واحد فقط هو انك هتفضل فى الجامعة بتاعتك دى سنه وبعدين هتقدم طلب تحويل ورقى
=”0″ scrolling=”no” frameborder=”0″ src=”//ws-na.amazon-adsystem.com/widgets/q?ServiceVersion=20070822&OneJS=1&Operation=GetAdHtml&MarketPlace=US&source=ac&ref=tf_til&ad_type=product_link&tracking_id=315509-20&marketplace=amazon&region=US&placement=B08DGNGDFR&asins=B08DGNGDFR&linkId=f9782d82190bfb3982cb5d2472a61196&show_border=false&link_opens_in_new_window=true&price_color=333333&title_color=298be6&bg_color=ffffff”>