لأكثر من عامين»، ولا تزال أسرة الشاب شريف أحمد عطية، «22 عاما»، تجوب شوارع ومحافظات مصر أملا في العثور عليه، بعدما تغيب عن منزل أسرته بقرية المازوة في محافظة بني سويف. وتعرض لمن يساهم في رجوعه 50 الف ج

157

| «لأكثر من عامين»، ولا تزال أسرة الشاب شريف أحمد عطية، «22 عاما»، تجوب شوارع ومحافظات مصر أملا في العثور عليه، بعدما تغيب عن منزل أسرته بقرية المازوة في محافظة بني سويف.

🔹تفاصيل تغيب الشاب العشريني
عبد الرحمن محمود، خال الشاب المفقود، خلال حديثه لـ«هن»، يروى تفاصيل تغيب ابن شقيقته قبل عامين: «في يوم 8 يونيو 2019 وقبل امتحانات الثانوية العامة بيومين، شريف خرج من البيت وقال إنه مسافر إسكندرية لوحده يغير جو ومرجعش من يومها، أخباره كلها اتقطعت ومفيش أي حاجة عارفينها عنه ولا حتى مكالمة تليفون».

🔹بحث الأب والأم عن ابنهما
«هو الابن الكبير لأمه وأبوه، ومن يومها مش بيبطلوا يوم واحد يدوروا عليه في كل مكان، بمجرد بس إن حد يقولهم إنه شافه، أبوه بينزل يروح المكان ويسافر وعلى هذا الحال من وقت ما راح إسكندرية ومرجعش».. حسب خال «شريف».

🔹آخر مشهد للشاب قبل تغيبه عن قريته
خلال بحث أسرة الشاب عنه منذ عامين، كشف لهم أحد سائقى الأجرة بموقف القرية أنه شاهد ابنهما منتظرا: «لما سألنا السواقين اللي بيسافروا على القاهرة من البلد، واحد فيهم قالنا وقتها إن شريف كان واقف في الموقف ولما قالة إركب العربية رد عليه وقالة أنا مستني 3 أصحابي بس السواق دة ميعرفهمش ولا يعرف حد فيهم».

🔹مكافآة مالية
أملا في العثور على ابنهم، رصدت الأسرة مكافآة مالية كبيرة لمن يعرف مكان تواجد المفقود: «أمه وأبوه رصدوا مكافآة 50 ألف جنيه لأي حد يعرف مكان ليه، ومستعدين يدفعوا المبلغ كله بس يوصلوا لمكانه ويتطمنوا عليه».
—————————-
وكانت رسالة متداولة
⚘ رسالة إلى شريف من أبيك وأمك ⚘
أرجع يا حبيبى إلى أحضاننا فلقد اشتقنا إليك كثيرا ولا نستطيع العيش والحياة فى غيابك لا طعم لأى شىء وقلوبنا تكاد تتوقف عن النبض ، أرجع وكل شىء سيتغير للأفضل وأنت بيننا ، أرجع وأرحم وجع قلوبنا يا ولدى ، فى انتظارك يا شريف فى انتظر رجوعك وبث السعادة لقلوبنا وحياتنا مرة أخرى ( أبوك وأمك) ..
ياريت يا شباب اللى يشوف المنشور ده يشاركه على صفحته وعلى كل جروباته لعل⚘ شريف ⚘ يشوف المنشور أو أحد يشوفه ويبلغه ان يرجع لأبيه وأمه لان حالتهم فى غاية الصعوبة بدونه ..
أرجع يا شريف حتى ترجع السعادة لاسرتك وخاصة أبيك وأمك فقلبهما يتفطر عليك ألما ..

العنوان : محافظة بنى سويف / مركز سمسطا / قرية مازورة