قلل إرتباطك العاطفي بحلويات رمضان

55

اولا لان حلوياتنا كلها تقريبا هتتعمل بدهون غير صحيه في ظل غلاء المعيشه (زيوت مكرره ومهرجه وزبده صناعي

اللهم بلغنا رمضان

بعد ما ننوي الدخول على الشهر الفضيل بنيه العبادة الخالصة لوجه الله تعالي ونحاول نبدأ صفحة جديدة مهما كانت خلفيتنا في أي شيء سلبي وسئ في حياتنا ونحاول بنية صادقة إننا نبدأ نغيرها.


الإنسان حياته عبارة عن مراحل لازم تمر عليك مرحله من حياتك تكون فيها شخص غير مدرك للأمور إعطي لعقلك الفرصه للتأمل في الجوانب السلبية في حياتك وحاول تغيرها ورمضان فرصة عظيمة للتغيير أو علي الأقل يكون بداية لمرحلة جديدة من حياتنا نكون فيها مدركين لأمور حياتنا بصورة إيجابية.


قرار لازم تاخده إنك هتبطل سكر في رمضان مهما كنت هتتعب نفسيا لإنه تعب مؤقت يتبعه النجاح أو علي الأقل تقلله لربع الكميه اللي بتاخدها بحيث تخرج من رمضان وانت قادر تكمل.


لو بطلت السكر مش هيحصلك حاجه لكن لو استمريت هيحصلك كل اللي هتتخيله واللي مش هيجي على بالك من أمراض.


قلل إرتباطك العاطفي بحلويات رمضان اللي حولت شهر العباده لمحل حلواني درجه تالته لان حلوياتنا كلها تقريبا هتتعمل بدهون غير صحيه في ظل غلاء المعيشه (زيوت مكرره ومهرجه وزبده صناعي مجهولة المصدر) يعني المصيبه بتكبر وجسمنا بيتدمر
استقيموا يرحمكم الله
اللهم بلغنا رمضان لا فاقدين ولا مفقودين يا رب العالمين