عارفين ان في ناس وزنها طبيعي وبيجيلها سكر نوع تاني عادي؟

141

انتوا عارفين ان في ناس وزنها “طبيعي” وبيجيلها سكر نوع تاني عادي؟
انتوا عارفين ان معظم البنات اللي عندهم مقاومة انسولين وتكيسات وبتاخد جلوكوفاج “اللي هو دوا لمرضي السكر”، بيكون وزنهم “طبيعي”؟

الوزن مش دليل علي الصحة، اطلاقا.

معظم الناس اللي وزنها قليل ماعندهاش اي كتلة عضلية وجسمها معظمه دهون، وده يخليهم عندهم نفس الاخطار اللي عند اي حد عنده سمنة.

هي السمنة مشكلة ليه اصلا؟ عشان زيادة الدهون، مش عشان زيادة الوزن.

لو الوزن قليل او طبيعي ولكن الجسم كله دهون ده بيخلي الجسم عرضة لامراض كتير بما فيها السكر.

ده معناه حاجتين:
١- مانطمنش لمجرد ان وزننا طبيعي ونتأكد ان صحتنا كويسة وان الدهون في جسمنا هي اللي طبيعية مش الوزن بس

٢- مانعملش اي دايت او اي طريق مختصر ينزلنا وزن وخلاص لانه لو مانزلش دهون، مش هايحل المشكلة، اطلاقا.

السكر النوع التاني زمان كان بيتقال عليه مرض جيني، لحد ما في اخر ٣٠ سنة جيناتنا ماتغيرتش اطلاقا، ورغم كده معظم الناس بقي عندها سكر ومقاومة انسولين.


السكر مرض عادات، مش جينات.
،والعادات الخلط بتبان في تركيبة الجسم ونسبة الدهون والعضلات فيه، مش بس في الوزن.