طريقه عمل لحمة وخضار ورز بكل سهوله.. .

220

هنعمل لحمة وخضار ورز
هنجيب اللحمة ونسلقها ونحمرها وشكرا واحنا بنسلق اللحمة نحط عود قرفة وحبهان سمعك يالاى بتقول مش بحبه لا حبه يا عم بيدى للشوربة طعم حلو وفلفل اسود حب ولو فى لمون محروق حط واحدة واول ما تتسلق اللحمة تتصفى وتتحمر فى معلقة سمنة وانا بحيها بالذبدة لو هتعزمنى وعليها رشة ملح وفلفل اسود وجوزة الطيب نعمل بقى الخضار ناخد شوية شوربة من اللحمة ونجيب نوع الخضار الاى انا بحبه بطاطس وكوسة وجزر ونقطعهم حتت صغيرة ياعم مش بحب الكوسة بس انا بحبها هو انا مش هاكل ولا ايه يبقى تجيب كوسة ماشى ونجيب بصلة حلوة ونقطعها ونشوحها فى معلقة زيت تتبدل وننزل بعلبة صلصة من الصغيرة دى وتتشوح شوية ننزل بكبشة شوربة وتاخد غلوة ننزل بالخضار ونزود شورة ونظبط الملح ونجهز معلقة سمنة ونحمر تومة بشوية كزبرة ونعملها طشة ونغطى الحلة نعمل بقى شوية رز بالشعرية شوية سمنة او زبدة وزيهم شوية زيت ونحمر الشعرية وننزل بكوباية شوربة من اللحمة وننزل بالرز وشوية ملح وشوية فلفل اسود ورشة كزبرة ونظبط الرز كل كوباية رز عليها اتنين ماية ونوطى النار ونغطى ومش نقلب كتير وربع ساعة نطفى والف هنا عندك بقى شوية ملوخية ناشفة نغلى شوية شوربة ونحط عليها فصين توم واصغر طماطماية ونبشرها وشوية كزبرة ناشفه وتغلى ننزل بشوية ملوخية ناشفة وتاخد غلوتين ونطفى ونكون مجهزين طشة التوم والف هنا….