حتي لا يمر الوقت ونضيع الهدف من رمضان⏲⏰

176

حتي لا يمر الوقت ونضيع الهدف من رمضان⏲⏰
1-ان يجعلنا الله من عتقاءه من النار.. (إن لله عتقاء من النار في كل ليله من رمضان) حديث صحيح
يعني في كل ليله من رمضان ربنا بيختار عدد معين من عباده بيعتقهم من النار، أنت هتفضل كل ليله تدعي وتعيط وتتحايل على ربنا إنك تكون من عتقاء هذه الليله

2- قراءة القرآن
اصلا ربنا ميز شهر رمضان بالقرآن، وخلي بالك مش المهم عدد الختمات ابداا، يعني فلان ختم تلاته وفلان ختم خمسه وأنت ختمت مره لكن بتدبر الأيات، يبقي ختمتك افضل منهم،،،، ، طب ازااي اتدبر القرأن؟؟؟؟
يعني أفهم كل كلمه وكل معني، مثلا وانت بتقرأ اذا جاءت أيه عن الجنه، ادعي ربنا تكون من اهلها وقوله يارب مشتاق ليها اووي
وذا جاءت أيه عن النار استعيذ بالله منها،وقول يارب أدخلني الجنه بغيررحساب ولا سابقه عذاب، ولو أيه فيها أحكام قوله يارب حاضر هعمل كده.

3- أذكار مابعد الصلاه ٣٣ مره
سبحان الله، والحمدلله،و لا إله إلا الله والله أكبر ولاحول ولا قوه إلا بالله
معرفش ليه بيغفل عنها كثير من الناس مع انها بسيطه جدااا
تقال عقب كل صلاه٣٣ مره
وقال الرسول عن هذه الكلمات
(أحب عند الله من أن تتصدق بجبل ذهب)
(تأتى هذه الكلمات يوم القيامه حول العرش ولها دوي كدوي النحل وتقول إسمك للرحمن)
(تنفث الذنوب والخطايا كما تنفض الشجره ورقها)
بس أنت متكتفيش ب 33 وخلاص أنت هتفضل شغاال بيهم طول اليوم

4-أذكار الصباح والمساء
فضلها كبير أوي، مش مجرد تحصين وخلاص، ده كفايه دعاء سيد الأستغفار،، يعني انت بتوب من ذنوبك مرتين في اليوم، وأنت مثلا بتقول سبحان الله، حس بيها أوي وقولها من قلبك،، يارب سبحانك انت بتسبحه وبتنزه عن كل حاجه،والحمدلله، أنت بتحمده علي السراء وااضراء، الحمدلله عاي كل النعم وحس بالنعم دي أوي..، وكل ذكر وليه فضله طبعا

5-ثلاث ساعات في يوم رمضان
أهم تلات ساعات في اليوم،، يعني تتشقلب طول اليوم عشان تكون فاضي في الساعات دي ،، هيه الخلاصه بجد،،، لا يرد فيها الدعاء قط
١-ساعه قبل صلاه المغرب (تتنزل فيه الملائكه ولايرد فيها الدعاء)
٢-ساعه قبل الفجر (وقت تنزل الله عز وجل ليقول هل من مستغفر فأغفرله، هل من داعي فأستحيب له…)لايرد فيها الدعاء
٣- ساعه بعد اذان الفجر (من قضاها في الذكر حتى الشروق وصلي صلاه الضحي كتبت له عمره وحجه تامه تامه تامه) لايرد فيها الدعاء
وتذكروا الدعاء يغير الأقدار،، رمضان واحد في حياتك قد يرفعك درجه في الجنه أبعد مابين السماء والأرض، وتسبق الشهيد الذي مات قبلك بعام