المانجا فيها املاح كتير !! ازاي اكلها ومتعبش ؟

24

خلي بالك .. المانجا فيها املاح كتير !!

هل ده جملة صحيحة ولا لأ ؟!

المانجو الواحدة متوسطة الحجم حوالي ٢٠٠ جم

١٣٥ سعر حراري
٣٤ جم نشويات تقريبا
١ جم بروتين
٣.٦ جم الياف

بالنسبة للأملاح

صوديوم ٢-٤ مجم (انت محتاج حوالي ٢٠٠٠ مجم صوديوم يوميا يعني الصوديوم في المانجو يعتبر ولا حاجة)

بوتاسيوم ٣٥٠ مجم (انت محتاج حوالي ٣٥٠٠ مجم بوتاسيوم يوميا يعني برضه المانجو مافيهاش بوتاسيوم كتير اوي بالرغم ان البوتاسيوم مفيهوش مشكلة عشان مكانه جوة الخلية مش برة زي الصوديوم)

المانجو غنية بفيتامين A and C

الخلاصة: ان المانجو مش عالية في الاملاح و ممكن ناكلها سواء بنعمل دايت او لا

الاعتدال هي اهم حاجة يعني لو ١-٢ في اليوم او تكون من ضمن سعراتك اليومية مفيش مشكلة

ممكن كمان تعملها smoothie مع لبن او زبادي يوناني مع تلج