اعراض قطع السكر ومده الاعراض ليرجع وضع جسمك طبيعي

33

بما اني عملت تحدي قطع السكر ١٤ يوم، ممكن تكون جاتلك الاعراض دي اول ما قطعته، الاعراض دي هي اعراض انسحاب، هاتحصل لما تسحب اي حاجة بتسبب الادمان من جسمك، بتحصل مع الادوية، بتحصل مع الكافيين (حتي لو حاجة مش مضرة، طالما ليها تأثير ادمان، هايكون ليها اعراض انسحاب)، الاعراض تشمل:

١- تغيير في الموود وزهق ونرفزة

٢- صداع

٣- تعب وارهاق

٤- عدم تركيز

٥- جوع وشراهة للنشويات بالذات (هاتلاقي نفسك مشتهي سكر ومعجنات ومخبوزات تحديدا ومش عايز تاكل الاكل العادي زي الخضار مثلا او البروتين)

٦- دوخة

الجسم مش محتاج سكر، دي مش وجهات نظر، ده كيميا، احنا بنعيش من سكر، وممكن نعيش من غير نشويات حتي عادي عشان جسمنا بيعرف يصنع جلوكوز.

الاعراض دي اعراض انسحاب لان جسمك مدمن علي مصدر طاقة معين واتسحب منه، الاعراض هاتروح بعد فترة، الفترة دي غالبا بتكون من ايام لاسبوعين، مدة الفترة بتعتمد علي:
١- كمية السكر اللي كنت بتاخده
٢- كنت بتاخده كل قد ايه

كل ما كمية السكر اللي كنت بتاخدها زادت، كل ما اعراض الانسحاب زادت، والاهم من الكمية، كنت بتاخده كام مرة؟ لو كنت بتاكل سكر كل يوم طول اليوم، الاعراض هاتكون قوية جدا

في كل الاحوال، هاتاخد وقتها وتروح، وبعد ما تروح مستوي الطاقة بتاعك هايكون ثابت واعلي بكتير من شوية الطاقة المحدودة اللي كنت بتاخدها من السكر.