ارباح المكاتب الهندسيه ازاي بتتحسب؟

223


الساده المهندسين الافاضل
انا كلمتكم قبل كده عن هوامش الربح ونسبة الاشراف ووضحت لحضراتكم بالارقام ازاي المقاولات بتكسب مكاسب مش قليله ووضحت كمان ازاي اصحاب الشركات عاوزين يوصلوا لحضراتكم ان الشغل بيخسر وانه بيبيع هدومه وذهب مراته عشان يكمل الشغلانه… الخ
لكن النهارده حابب اتكلم عن الجزء التاني مش شغل المهندسين وهي المكاتب الاستشارية.


وهوضح لحضراتكم بالارقام بردوا المكاسب اللي بتدخل للمكاتب دي وبردوا هتلاقي نفس الادعاءات بتاع اننا بنخسر وبندفع من جيوبنا…. الخ
اولا زي ما حضراتكم فاهمين ان فيه جهات كتير في مصر بتطلع شغل من الباطن للشركات
ومن هذه الجهات ( الهيئة الهندسيه- إدارة المهندسين العسكريين- المخابرات-الداخليه-الابنية التعليمية- جهات خاصة اصحابها مستثمرين …. الخ)


جهات كتير ولكن كل جهه من دول ليها رينچ معين من جودة الشغل وحجم المشاريع وقيمتها الماديه.
يعني مثلا لو هنتكلم عن الهيئه الهندسيه و ادراة المهندسين العسكريين هنلاقي ان معظم الشغل بتاعهم عباره عن عمارات اسكان اجتماعي ومتوسط ومحدودي الدخل.
ولو هنطبق الارقام علي المشاريع دي هنلاقي ان عقود المكاتب الاستشاريه اللي بتاخد شغل من الجهات دي النسبة بتتراوح بين (0.5٪ الي 1٪)
طيب مقايسه العماره بتكون علي اقل تقدير حاليا حوالي 6 مليون الي 8 مليون
لو هناخد المتوسط ونقول 7 مليون مثلا.
اقل مكتب استشاري في مشاريع الاسكان الاجتماعي بياخد من 100 عماره الي 300 عماره
لو اخدنا المتوسط وقلنا 200 عماره مثلا
وجينا حسبنا النسبه علي اقل تقدير 0.5٪ هتكون كام
0.0057000000200= 7 مليون جنيه
لو قسمنا ال 7 مليون دي علي مدة المشروع وهي غالبا بتكون سنه
يعني الشهر هيكون ب 583 الف جنيه تقريبا.
تخيل بقا حضرتك ان المفروض المكتب يطلع رواتب شهريه علي اقل تقدير بعد خصومات الضرائب والتأمينات مش اقل من 500 الف جنيه
المكتب هيجيب كام مهندس يشرفوا علي العمارات دي
لو فرضنا جدلا انه هيجيب 10 مهندسين وغالبا بيكونوا حديثي التخرج وقلنا انه هيدي راتب 3 الاف جنيه لكل مهندس
يعني 30 الف جنيه وكمان هيجيب مدير للمكتب هياخد له بتاع 7 الاف جنيه.
يعني الرواتب الشهريه لاتتخطي حاجز ال 50 الف جنيه بالكتير اوي.
شوف بقا حضرتك المكتب بيكسب كام. مش اقل من 400 الف جنيه ف الشهر
ولو فرضنا ان مدة المشروع تضاعفت وكمان فرضنا ان الجهه المالكه (الهيئة الهندسيه) مش هتدي تعويض للمكتب
يعني بردوا المكتب هيوفر ف الشهر مش اقل من 200 الف جنيه.
المثال اللي فات كان علي اقل الجهات في الجمهوريه.
طيب معظم الجهات الاخري
نسبة المكتب فيها بتتراوح من (3٪ الي 7٪)
لو فرضنا ان اقل مشروع ب 50 مليون جنيه ومدة المشروع بتكون غالبا من 3 الي 6 شهور
يعني بحسبه بسيطه
50000000*0.05 = 2.5 مليون جنيه ف الخمس شهور مثلا.
يعني كل شهر 500 الف جنيه
طبق نفس الكلام اللي فات وشوف الرواتب كام والمكتب هيكسب كام.
الكلام اللي فات ده للمكاتب الاستشاريه الصغيره والمتوسطه.
طيب لو مكاتب زي (صبور – محرم باخوم – ECG) هتضرب الارقام اللي فوق في 4 اضعاف علي الاقل.



اللهم ارزقنا علما نافعا وعملا متقبلا